ESTER 9:15 - Dios Rimashcata Quillcashcami

¹⁵ Susa pueblopi causac Judá gentecunaca Adar quilla chunga chuscu punzhapimi cutin tandanacushpa Susa pueblopi causaccunataca quimsa patsac runacunata huañuchirca. Shina huañuchishpapish paicuna ima charishcacunataca mana japircacunachu.

ESTER 9:15 Referans Kwoze

ESTER 9:10

Chai chunga runacunaca Judá gentecunata piñac Amanpac churicunami carca. Amanca Hamedatapac churimi carca. Chashna huañuchishpapish paicuna ima charishcataca mana japircacunachu.

ESTER 8:11

Chai quillcacunapimi jatun mandacca cada pueblopi causac Judá gentecunataca paicunata ama huañuchichunca tandanacushpa chaparaichic. Mai pueblocunamanta cashpapish huañuchingapac muyunacushpa shamucpica tucui huañuchishpa chingachinguichic. Paicunataca huahuacunatapish, huarmicunatapish mana llaquishpa huañuchishpa, paicuna ima charishcatapish japinguichiclla nishpami mandashca carca.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

1 TESALONICENSES 5:22

Tucui mana allimanta huacaichirichic.

ESTER 9:16

Jatun mandac mandacuc llactapi causac caishuc Judá gentecunapish paicunata huañuchishun niccunahuan macanacungapacmi tandanacurca. Paicunata piñaccunataca canchis chunga pichca huarangatami huañuchirca. Chashna huañuchishpami pipish ashtahuan mana llaquichishca cushilla causarcacuna. Shina huañuchishpapish paicuna ima charishcacunataca mana japircacunachu.

ESTER 9:13

Shina nicpimi Esterca: —Can jatun mandacman alli cacpica, cunan punzha mandashcata Susa pueblopi causac Judá gentecuna ruhuashca shinallatac cayaca Amanpac chunga churicunata caspipi huarcuchun mandai— nirca.

ESTER 9:2

Judá gentecunaca paicunata llaquichigricuc gentecunahuan macanacungapacmi jatun mandac Asuero mandacuc tucui llactacunapi paicuna causacuc pueblocunapi tandanacurca. Tucui llactacunapi causaccunami paicunataca yallita mancharcacuna. Chaimantami paicunahuan macanacunataca pipish mana pudirca.

ESTER 9:12

Chaita yachashpami jatun mandac Estertaca: —Judá gentecunaca ñuca mandacuc Susa jatun pueblopi pichca patsac runacunata, Amanpac chunga churicunatapish huañuchishpaca, ¡ñuca mandacuc caishuc llactacunapicarin imatachari ruhuarcacuna! Chaimanta ¿Imatatac mañangui? Imata mañacpipish cushallami. ¿Imatatac ashtahuan ruhuachun ningui? Imata ruhuachun nicpipish ruhuashallami— nirca.

ESTER 9:14

Shina nicpimi, jatun mandacca Susa jatun pueblopica chashna ruhuashca cachun nirca. Chaimantami chai chunga churicunataca huarcurcacuna.