ESTER 9:10 - Dios Rimashcata Quillcashcami

¹⁰ Chai chunga runacunaca Judá gentecunata piñac Amanpac churicunami carca. Amanca Hamedatapac churimi carca. Chashna huañuchishpapish paicuna ima charishcataca mana japircacunachu.

ESTER 9:10 Referans Kwoze

ESTER 8:11

Chai quillcacunapimi jatun mandacca cada pueblopi causac Judá gentecunataca paicunata ama huañuchichunca tandanacushpa chaparaichic. Mai pueblocunamanta cashpapish huañuchingapac muyunacushpa shamucpica tucui huañuchishpa chingachinguichic. Paicunataca huahuacunatapish, huarmicunatapish mana llaquishpa huañuchishpa, paicuna ima charishcatapish japinguichiclla nishpami mandashca carca.

ESTER 5:11

Chashna cayachun cachashpami Amanca achcata charic cashcatapish, achca churicunata charishcatapish paicunaman parlarca. Shinallatac paita tucui serviccunamanta tucui mandaccunamanta ashtahuan alli nishca cachun churashcatapish parlarca.

GÉNESIS 14:23

“Ñucaca shuc puchcallatapish, shuc ushuta huatanallatapish mana japishachu” nishpa ari nircani.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

SALMOS 21:10

Paipac huahuacunatapish huañuclla runacunapurapica cai pachamanta chingachinguimi.

ESTER 7:6

Shina tapucpi Esterca: —Chai ñucanchicta mana ricunayachishpa piñac runaca cai millai Amanmi— nirca. Shina nicpimi, Amanca jatun mandacpac, jatun mandac huarmipac ñaupapi yallita mancharishpa upayashpa saquirirca.

ESTER 7:4

Ñucatapish, ñuca llacta gentecunatapish huañuchishpa tucui tucuchichun catushcami canchic. Servic caricuna, huarmicuna cachun catushca cacpica, mana imata nishpa upallami caiman carcani. Ashtahuanpish tucui ñucanchicta huañuchicpica, can jatun mandacmanca yalli llaquimi canga— nirca.

ESTER 3:1

Chai tucushca quipaca jatun mandac Asueroca Agageopac huahua huahuapuramanta Hamedatapac churi Amantami alli nishpa tucui mandaccunamanta ashtahuan yalli mandanapi churarca.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ÉXODO 17:16

Shinallatac: «Amalecitacuna Mandac Dios-huan piñarishcamantami Mandac Diosca paicunapac huahua huahuacunahuanca tucui causaipi macanacucungalla» nirca.

ESTER 3:13

Chai quillcacunataca jatun mandac mandacuc tucui llactacunamanmi quillcata apaccunaman cushpa cacharca. Chai quillcapica cunan huiñaicunata, yuyaccunata, huahuacunata, huarmicunatapish shuc punzhallapi tucuita huañuchishpa, paicunapac charishcata apamuchunmi mandashca carca. Chaitaca Adar nishca chunga ishcai quilla chunga quimsa punzhapi chashna ruhuachunmi mandashca carca.

ESTER 9:9

Parmasta, Arisai, Aridai, Vaizata runacunami carca. Tucui paicunatami huañuchirca.

ESTER 9:11

Chai punzhallatacmi jatun mandac Asueroca pai mandacuc Susa pueblopi mashna huañushcata yachac chayarca.

DANIEL 6:24

Chai quipaca jatun mandacca Danielta juchanchic mandaccunata apamuchunmi mandarca. Chashna apamucpimi, paicunataca huarmindi, huahuacunandi leoncuna causana jutcupi shitarca. Paicuna manarac chai jutcu pambaman chayacpimi, japishpa tullucunata polvoshpa micurca.

GÉNESIS 34:27

Jacobopac churicunaca paicunapac pani Dinata japirishpa llaquichishcamantami chai huañushcacunapac jahuata rishpa, chaipi ima tiyashcacunata tucui shuhuashpa aparca.