ESTER 8:5 - Dios Rimashcata Quillcashcami

⁵ jatun mandactaca: —Can jatun mandacpac ñaupapi ñuca alli ricurishca cacpi, can jatun mandacman alli cana cacpica, can ñucata cuyashpaca, Agageopac huahua huahuapuramanta Hamedatapac churi Amán can jatun mandacpac tucui llactacunapi causac Judá llacta gentecunata tucuchichun mandashpa quillcashcata anchuchingapac shuc quillcata cachai.

ESTER 8:5 Referans Kwoze

ESTER 7:3

Shina tapucpimi, jatun mandac Esterca: —Jatun mandaclla, can jatun mandacpac ñaupapi alli ricurishca cacpi, can jatun mandacman alli cana cacpica, ñuca mañashcata uyashpa ñucata ama huañuchichun jarcayari. Ñuca mañashcamanta ñuca llacta gentecunatapish huañuchinata jarcayari.

ESTER 5:8

Can jatun mandacpac ñaupapi alli ricuricpi, ñuca mañashcata ruhuasha nishpaca can jatun mandacman ñuca cutin ruhuashca jatun micuiman can jatun mandacpish, Amanpish cutin shamunguichic. Cayami can jatun mandac mandashca shinallatac huillasha— nirca.

ESTER 2:17

Jatun mandacca Estertaca tucui huarmicunamanta yallimi ashtahuan cuyarca. Esterca carihuan manarac chayarishca, tucui solteracunamanta yalli allimi jatun mandacpac ñaupapica ricurirca. Chaimantami paitaca jatun mandaccuna churarina coronata paipac umapi churachishpa, Vasti huarmipac randi jatun mandac cachun churarca.

ESTER 2:4

Carihuan manarac chayarishca maijan shuc soltera jatun mandacpac ñaupapi alli ricuric solterami Vasti huarmipac randi mandac tucunga» nircacuna. Paicuna cunashca alli cacpimi, jatun mandacca chashnallatac ruhuarca.

1 SAMUEL 20:29

Paica: “Ñucanchic familiacunami chai pueblopi Diosman cushpa animalta huañuchishpa fiestata ruhuacuncuna. Ñuca huauquica ñucatami shamuchun nishca. Chaimanta ñuca cambac ñaupapi alli ricurishca cacpica, ñuca huauquicunata ricungapac richun saquiyari” nirca. Chaimantami jatun mandac-huan micungapacca mana shamushca— nirca.

ÉXODO 33:16

Can mana ñucanchic-huan ricpica, ¿ima shinatac ñucapish, can acllashca gentecunapish cambac ñaupapi alli cashcataca yachashunyari? Ñucanchicca canhuan cashpamari cai allpapi causac shuctac gentecunamanta chican cashun— nirca.

ÉXODO 33:13

Chashna cambac ñahuipi alli ricurishca cacpica, can imata ruhuasha nicushcataca huillaiyari. Chashna huillacpimi, can ñucahuan cashcataca yachasha. Riqui, cai gentecunaca can acllashcacunami— nirca.

ESTER 3:1

Chai tucushca quipaca jatun mandac Asueroca Agageopac huahua huahuapuramanta Hamedatapac churi Amantami alli nishpa tucui mandaccunamanta ashtahuan yalli mandanapi churarca.