ESTER 8:3 - Dios Rimashcata Quillcashcami

³ Esterca jatun mandac-huan cutin parlanacungapac shamushpami paipac chaqui ñaupapi huacashpa cungurirca. Shina cungurishpami Agageopac huahua huahuapuramanta Amán Judá llacta gentecunata huañuchishpa mana allita ruhuangapac mandashcata anchuchichun mañarca.

ESTER 8:3 Referans Kwoze

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

OSEAS 12:4

Jacoboca angelhuan macanacushpa mishashpaca, yallita huacashpami mañarca. Jacoboca Bet-elpimi Dios-huan tuparca.

ISAÍAS 38:2

Shina nicpimi, Ezequiasca pirca ladoman tigrarishpa, Mandac Diosta mañashpaca:

ESTER 7:4

Ñucatapish, ñuca llacta gentecunatapish huañuchishpa tucui tucuchichun catushcami canchic. Servic caricuna, huarmicuna cachun catushca cacpica, mana imata nishpa upallami caiman carcani. Ashtahuanpish tucui ñucanchicta huañuchicpica, can jatun mandacmanca yalli llaquimi canga— nirca.

2 REYES 4:27

Chai urcupi Diospac runapacman chayashpami, paipac chaquita ucllarirca. Chashna ucllaricpimi, Giezica anchuchingapac japirirca. Chashna japiricpimi, Diospac runaca: —Saquilla, paipac shungupica jatun llaquihuanmi. Diosmi paipac llaquitaca pacashpa, mana huillashca— nirca.

1 SAMUEL 25:24

Paica Davidpac chaqui ñaupapi cungurishpaca: —¡Ñuca mandaclla, ima juchata ruhuashcapish ñucapac jahuapi cachun! Ashtahuanpish canta servic ñucami, canhuan caita parlasha nini. Ñuca ima nishcata uyai.

ESTER 3:1

Chai tucushca quipaca jatun mandac Asueroca Agageopac huahua huahuapuramanta Hamedatapac churi Amantami alli nishpa tucui mandaccunamanta ashtahuan yalli mandanapi churarca.

ESTER 8:2

Chaipimi jatun mandacca Amanpac sortejasta quichushpa Mardoqueoman curca. Shinallatac Amanpac huasita ricuchunca Mardoqueotami Esterca churarca.

ESTER 8:4

Shina mañacpimi jatun mandacca pai charicushca curi varata Esterman chutarca. Chaimantami Esterca jatarishpa, jatun mandacpac ñaupapi shayarishpa,