ESTER 8:16 - Dios Rimashcata Quillcashcami

¹⁶ Judá gentecunaca achicman llucshishca shinami yallita cushicushpa, alli nishca carcacuna.

ESTER 8:16 Referans Kwoze

SALMOS 97:11

Cashcata ruhuaccunapacca luzca tarpushca shinami tiyacun. Shungupi millai yuyaita mana chariccunapacca cushicunaca tarpushca shinami tiyacun.

PROVERBIOS 11:10

Pueblopi causaccunaca cashcata ruhuaccuna alli causacpimi cushicuncuna. Ashtahuanpish Diosta mana manchaccuna huañucpica, cushicushpami caparicuncuna.

SALMOS 18:28

Mandac Dioslla, canmi ñuca lamparataca japichishpa charingui. Ñucata Mandac Dios canmi amsapi cacpipish achicyachingui.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

SALMOS 112:4

Paica llaquicmi, caracmi, cashcata ruhuacmi. Cashcata ruhuaccunapacca amsapi luz achicyachicuc shinami.

ESTER 9:17

Chai macanacuica Adar quilla chunga quimsa punzhapimi carca. Cayandi chunga chuscu punzhapica jatun micuita ruhuashpami cushicushpa samarircacuna.

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

SALMOS 118:27

Mandac Diosca, Diosmi. Paimi ñucanchicta achicyachirca. Paiman cuna animalta altar gachucunapi huataichic.

SALMOS 30:12

Ñuca Dioslla, chaimantami mana upallashpa cantacushalla. Ñucata Mandac Dioslla, huiñaitami alabacushalla.

PROVERBIOS 28:12

Cashcata ruhuaccuna cushicucpica, yallita cushicuimi tiyan. Ashtahuanpish Diosta mana manchaccuna jataricpica, tucuimi miticuncuna.