ESTER 7:8 - Dios Rimashcata Quillcashcami

⁸ Mandashpa tiyana huasi lado huertamanta jatun mandac ucuman yaicushpaca Amantaca mandac Ester tiyacuc cama jahuapi siricuctami ricurca. Chaita ricushpami Amantaca: —¿Jatun mandac huarmitapish ñuca huasillapitacchu japirisha ningui?— nirca. Jatun mandac chashna nicpimi Amanpac ñahuita taparca.

ESTER 7:8 Referans Kwoze

ESTER 1:6

Canzha pambaca yurac, verde, azul sumac pañocunahuan huarcushca, sumacta allichishcami carca. Chai pañotaca lino puchcahuan, yana puca puchcahuan, cullqui argollapi churachishpa mármol pilarcunapi huarcushcami carca. Curi tiyarinacunapish tiyarcami. Shinallatac pambapish sumac alabastro, jacinto yurac yana rumicunahuan ruhuashcami carca.

ESTER 6:12

Chai quipaca jatun mandac mandacuc huasi pungullamantacmi Mardoqueoca cutirca. Cutin Amanca yallita llaquirishpami, paipac umata tapashpa, paipac huasiman utca cutirca.

ISAÍAS 22:17

Sinchi runalla, Mandac Diosmi caruman shitac shina, caru llactaman prezu apachun saquigrin.

JOB 9:24

Cai pachataca paita mana manchaccunapac maquipimi churashca. Paica juezcunapac ñahuitapish tapanmi. Mana pai ruhuacpica, ¿pitac ruhuangayari?

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

MARCOS 14:65

Chaimantami maijanca Jesusta tucai callarirca. Cutin maijanca ñahuita pañohuan huatashpa, huactashpaca: «¡Maijantac huactanchic, huillai!» nircami. Diosta mañana huasita cuidaccunapish Jesusta ñahuipi huactarcami.

ESTER 1:5

Chai punzhacuna quipami pai mandana huasi canzhapi canchis punzhata Susa pueblopi causac alli nishca gentecunamanpish, yangalla gentecunamanpish jatun micuita ruhuarca.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

AMÓS 3:12

Mandac Diosca: «Samariapi causac israelcunaca ñutunlla tiyarinacunapi, cama esquinapimi tiyarin. Paicunaca shuc michic leonpac shimimanta ishcai oveja chaquita mana cashpaca, ringrita quichushca shinami, ashalla saquiringa» ninmi.