ESTER 7:4 - Dios Rimashcata Quillcashcami

⁴ Ñucatapish, ñuca llacta gentecunatapish huañuchishpa tucui tucuchichun catushcami canchic. Servic caricuna, huarmicuna cachun catushca cacpica, mana imata nishpa upallami caiman carcani. Ashtahuanpish tucui ñucanchicta huañuchicpica, can jatun mandacmanca yalli llaquimi canga— nirca.

ESTER 7:4 Referans Kwoze

ESTER 3:9

Can jatun mandacman alli cacpica, tucui paicunata tucuchichun shuc mandashcata quillcai. Chashna ruhuacpica, ñucaca jatun mandacpac mandana huasipi huacaichichunmi chunga huaranga talento cullquita cusha— nirca.

DEUTERONOMIO 28:68

Mandac Diosca: “Egipto llactamanca manatac cai ñantaca cutinguichicchu” nircami. Shina cacpipish, chai ñanllatatacmi barcopi apanga. Chai llactapimi caripish, huarmipish cancunata piñaccunata servingapac caturisha ninguichic. Shina yuyacucpipish pi mana randisha ningachu» nirca.

ESTER 3:13

Chai quillcacunataca jatun mandac mandacuc tucui llactacunamanmi quillcata apaccunaman cushpa cacharca. Chai quillcapica cunan huiñaicunata, yuyaccunata, huahuacunata, huarmicunatapish shuc punzhallapi tucuita huañuchishpa, paicunapac charishcata apamuchunmi mandashca carca. Chaitaca Adar nishca chunga ishcai quilla chunga quimsa punzhapi chashna ruhuachunmi mandashca carca.

ESTER 8:11

Chai quillcacunapimi jatun mandacca cada pueblopi causac Judá gentecunataca paicunata ama huañuchichunca tandanacushpa chaparaichic. Mai pueblocunamanta cashpapish huañuchingapac muyunacushpa shamucpica tucui huañuchishpa chingachinguichic. Paicunataca huahuacunatapish, huarmicunatapish mana llaquishpa huañuchishpa, paicuna ima charishcatapish japinguichiclla nishpami mandashca carca.

AMÓS 2:6

Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.

JOEL 3:6

Judá llactapi, Jerusalenpi causaccunapac huahuacunataca paicunapac llactacunamanta caruman cachangapacmi Grecia llacta runacunaman caturcanguichic.

ESTER 7:6

Shina tapucpi Esterca: —Chai ñucanchicta mana ricunayachishpa piñac runaca cai millai Amanmi— nirca. Shina nicpimi, Amanca jatun mandacpac, jatun mandac huarmipac ñaupapi yallita mancharishpa upayashpa saquirirca.

NEHEMÍAS 5:5

Ñucanchic huauquicuna shinallatac cashpapish, ñucanchic huahuacunapish cancunapac huahuacuna shina cacpipish ñucanchic churicunata, ushicunatami catushca shina, servishpa causachun catushcanchic. Ñucanchic ushicunamanta maijancunaca ñami catushca shina servicun. Allpacunapish, uvas chagracunapish, ña shuccunapac cashcamantami ñucanchic ushicunataca cutin randishpa mana cutichimui pudinchic» nircacuna.

1 SAMUEL 22:23

Shina cacpipish, canca ama manchaichu ñucahuan saquirilla. Ñucata huañuchingapac mashcac runaca cantapish mashcangami. Ashtahuanpish can ñucahuan saquirishpaca imapish mana tucunguichu— nirca.

JOSUÉ 9:23

Chaimanta cunanca mana alli nishcami canguichic. Cancunaca ñucanchicta servishpa, ñucanchicman yantata pitishpa, ñucanchic Taita Diosman yacuta ashtashpami causanguichic— nirca.

SAN LUCAS 12:45

Ashtahuanpish chai mayordomo paipac shungupi: “Ñuca amoca mana utca shamungachu” yuyashpa, cari serviccunatapish, huarmi serviccunatapish macashpa, pailla micushpa, ubiashpa, machashpami puricunman.

ESTER 7:5

Shina nicpimi, jatun mandac Asueroca jatun mandac Estertaca: —¿Pitac chaita ruhuanata yuyarishcayari? ¿Chai runaca maipitac?— nishpa tapurca.

ESTER 8:6

¿Maitatac ñuca llacta gentecuna llaqui tucucucta ricucushayari? ¿Maitatac ñuca llacta gentecunata huañuchishpa tucuchicuctaca chapacushayari?— nirca.

ESTER 9:25

Shina cacpipish Ester jatun mandacpac ñaupaman ricpica Judá gentecunata llaquichishpa jatun llaquita ruhuachun saquinapac randica, chai llaqui paillamantac urmachunmi shuc quillcata cacharca. Shinallatac paitapish, paipac churicunatapish huarcushpa huañuchichunmi mandarca.

DANIEL 6:2

Cutin paicunata mandachunca, quimsa mandaccunatami churarca. Chaica pai ama yallita llaquita apangapacmi, chai quimsa mandaccunamanmi imatapish tapuc carca. Chai quimsa mandaccunapurapica shucca Danielmi carca.