ESTER 3:9 - Dios Rimashcata Quillcashcami

⁹ Can jatun mandacman alli cacpica, tucui paicunata tucuchichun shuc mandashcata quillcai. Chashna ruhuacpica, ñucaca jatun mandacpac mandana huasipi huacaichichunmi chunga huaranga talento cullquita cusha— nirca.

ESTER 3:9 Referans Kwoze

GÉNESIS 23:16

Chashnami Abrahamca Efronhuan parlanacushpa, Efrón mañashca cullquita Hetpac churicunapac ñaupapi pezashpa pagarca. Randina, catuna cullquipimi chuscu patsac siclos cullquita Efronmanca curca.

SAN MATEO 18:24

Tapungapac cayacpica, chunga huaranga talento cullquita debic shuc runatami pushamurca.

ESTER 3:8

Chaimantami Amanca jatun mandac Asuerotaca: —Can mandacuc tucui llactacunapi causaccunapurapimi cacpi, chaipi chican chican causac gentecuna tiyan. Shinallatac paicunapac mandashcacunapish shuctac llactacunahuan ricucpica, chicanmi. Jatun mandac mandashcacunatapish mana cazuncunachu. Can jatun mandac paicunata causachun saquishpaca ima allita mana ruhuanguichu.

ESTER 3:10

Shina nicpimi, jatun mandacca paipac sortejasta llucchishpa, Judá gentecunata piñac Agageopac huahua huahuapuramanta Hamedatapac churi Amanman curca.

ESTER 4:7

Chaipimi, Mardoqueoca ima tucushcatapish, shinallatac Amán, Judá llacta gentecunata tucuchingapac, jatun mandacpac huacaichinapi huacaichichun cullquita pezashpa cusha nishcatapish huillarca.

ESTER 7:4

Ñucatapish, ñuca llacta gentecunatapish huañuchishpa tucui tucuchichun catushcami canchic. Servic caricuna, huarmicuna cachun catushca cacpica, mana imata nishpa upallami caiman carcani. Ashtahuanpish tucui ñucanchicta huañuchicpica, can jatun mandacmanca yalli llaquimi canga— nirca.

DANIEL 3:8

Chai punzhallatacmi adivinocunapuramanta maijan jatun mandacpacman shamushpa, Judá gentecunapac contra huillarca.