ESTER 2:5 - Dios Rimashcata Quillcashcami

⁵ Jatun mandac causana Susa pueblopica Judá llactamanta Benjaminpac aillupuramanta Mardoqueomi causarca. Paica Jairpac churi, Jairca Semeipac churi, Semeica Cispac churimi carca.

ESTER 2:5 Referans Kwoze

ESTER 10:3

Jatun mandac Asueropac quipa mandacca Judá llactamanta Mardoqueomi carca. Paica paipac huauquicunapacpish, Judá llactamanta achca gentecunapacpish mai alli nishcami carca. Paica, paipac llacta gentecunaman allita ruhuashcamanta tucui paipac huahua huahuacunamanpish cushi causai tiyachunmi munarca Chaimantami alli nishca carca.

ESTER 5:1

Quimsa punzha tucucpimi, Esterca jatun mandac huarmi churanata churarishpa mandana huasi pungu pambaman yaicushpa shayarirca. Chai pungu pambaca jatun mandac tiyarina chimbapurapimi carca.

ESTER 2:3

Can mandacca tucui can mandacuc llactacunapi carihuan manarac chayarishca sumac ñahui tucui solteracunata apamuchun, shuc runacunata acllai. Chai runacunami can jatun mandac causacuc Susa pueblopi tiyac cambac huarmicuna causana huasiman pushamunga. Chaipica chai solteracunataca can jatun mandacpac huarmicunata cuidac Hegai eunucomi cuidashpa sumacta allichinga.

ESTER 1:2

Jatun mandac Asuero jatun mandaccuna causana Susa pueblopimi mandacurca.

2 SAMUEL 16:5

David ña Bahurim llactata ricucpimi, Saulpac aillupuramanta Gerapac churi Simei llucshishpaca jatun mandac Davidtapish, paita serviccunatapish maldiciashpa,

1 SAMUEL 9:1

Benjamín aillupurapimi alli nishca Cis runa tiyarca. Cisca Abielpac churi. Abielca Zerorpac churi. Zerorca Becoratpac churi. Becoratca Afiapac churimi carca. Paica Benjaminpac aillupurami carca.

ESTER 2:4

Carihuan manarac chayarishca maijan shuc soltera jatun mandacpac ñaupapi alli ricuric solterami Vasti huarmipac randi mandac tucunga» nircacuna. Paicuna cunashca alli cacpimi, jatun mandacca chashnallatac ruhuarca.

2 REYES 24:12

Chaimantami Judá llactata jatun mandac Joaquinca paipac mamandi, paita serviccunandi, pai churashca mandaccunandi, caishuc mandaccunandi jatun mandac Nabucodonosorpac maquipi prezu yaicurca. Jatun mandac Nabucodonosor Babilonia llactata pusac huatata mandacucpimi, chashnaca tucurca.

2 REYES 24:15

Jatun mandac Joaquintapish, paipac mamatapish, paipac huarmicunatapish, paita serviccunatapish, Judá llactapi causac chayuccunatapish Jerusalenmantaca Babilonia llactamanmi prezu aparca.