ESTER 2:2 - Dios Rimashcata Quillcashcami

² Chashna cacpimi, paipac huasipi serviccunaca: «Jatun mandacman carihuan manarac chayarishca shuc sumac ñahui solterata mashcachun.

ESTER 2:2 Referans Kwoze

1 REYES 1:2

Chaimantami paita serviccunaca: «Jatun mandacta servishpa paipac ladopi sueñushpa, paita cunuchichunca carihuan manarac chayarishca, cunan huiñai shuc solteratami mashcana can» nircacuna.

ESTER 6:14

Amanhuan paicuna parlacucllapitacmi jatun mandacta servic eunuco runacunaca Ester ruhuacushca jatun micuiman Amanta utca pusharingapac chayarca.

ESTER 1:14

Jatun mandacpac yallita ricsishcacunaca Carsena, Setar, Admata, Tarsis, Meres, Marsená shinallatac Memucán canchis mandaccunami paipac ladopi carca. Paicunaca jatun mandacpac alli ricsishca, jatun mandana huasipipish alli nishca Persia, Media llactata mandaccunami carca.

ESTER 1:10

Ña canchis punzha tucucpimi, jatun mandac Asueroca vinota ubiashpa, shungupi yallita cushicuihuan cashpa, paipac ñaupapi servishpa causac eunuco runacunataca: Mehumanta, Biztata, Harbanata, Bigtata, Abagtata, Zetarta shinallatac Carcasta cayarca.

GÉNESIS 12:14

Abram Egiptoman chayacucpica, Egipto runacuna Sarai huarmita ricushpaca, mai sumac cashcatami ricurca.

ESTER 2:3

Can mandacca tucui can mandacuc llactacunapi carihuan manarac chayarishca sumac ñahui tucui solteracunata apamuchun, shuc runacunata acllai. Chai runacunami can jatun mandac causacuc Susa pueblopi tiyac cambac huarmicuna causana huasiman pushamunga. Chaipica chai solteracunataca can jatun mandacpac huarmicunata cuidac Hegai eunucomi cuidashpa sumacta allichinga.