ESTER 2:18 - Dios Rimashcata Quillcashcami

¹⁸ Chai quipami jatun mandacca Esterta alli nishpa pai churashca tucui mandaccunamanpish, paita serviccunamanpish jatun micuita ruhuarca. Shinallatac llactacunapica impuestotami ashallata pagachun nirca. Jatun mandac cashcamantami ima allicunatapish mana llaquirishpa achcata paicunaman curca.

ESTER 2:18 Referans Kwoze

APOCALIPSIS 19:9

Chai angelca ñucataca: «Caita quillcai: “Pactalla Ovejapac bodaman cayashcacunaca mai cushicuimi cancuna” ni. Cai rimashca shimicunaca mana llullachu, ashtahuanpish Dios rimashcami» nirca.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.

SAN LUCAS 14:8

«Bodaman canta pi cayacpi rishpaca, ama punta tiyarinapi tiyaringuichu. Pacta canta atishpa ashtahuan alli nishca runa quipata chayamucpi,

SAN MATEO 22:2

«Jahua pacha Dios mandacucman yaicunaca shuc jatun mandac paipac churita cazarachishpa,

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

CANTARES 3:11

¡Sionpi causac solteracunalla, jatun mandac Salomonta ricungapac llucshichicyari! Paipac shungu cushicui punzhapi, pai cazarai punzhapi, paipac mama churachishca coronata churashcami shamucun.

ESTER 9:22

Chai punzhacunapimi Judá gentecunaca paicunata piñaccunamanta quishpirishpa samarirca. Chai quillapimi llaquilla caccunaca cushilla tucurca. Huacaihuan caccunaca cushicushpa fiestata ruhuarca. Chai punzhata yuyarishpa jatun micuita ruhuashpa cushicuchun, ladollapi causaccunaman, imata mana chariccunaman ima charishcacunata caranacuchunmi mandashpa cacharca.

ESTER 1:7

Jatun mandaccuna ima shina ubiac cashca shinallatacmi vinotaca chican chican curi vasocunapi mana misashpa yallita ubiachicurca.

NEHEMÍAS 8:11

Levitacunapish tucui gentecunatami: «Cunanca, Mandac Dios chicanyachishca punzhami. Ama llaquirichicchu, upalla caichic» nircacuna.

1 SAMUEL 25:8

Chaitaca canta serviccunaman tapunguilla, paicunaca huillangallami. Shina cashcamanta ñuca cachashca mosocuna cambac ñaupapi alli ricurishca cachun. Ñucanchicca cushicui punzhapimi chayamushcanchic. Shina cashcamanta can imata charishca micunacunata canta serviccunaman, cambac churi Davidman cachai ninmi” nigrichic— nirca.

GÉNESIS 29:22

Shina nicpimi, Labanca tucui vecinocunata cayashpa, bodata ruhuarca.

MARCOS 6:21

Herodías munashca punzhami chayarca. Chaica, Herodesmi pai huacharishca huata pactacpi, fiestata ruhuashpa, llactata mandaccunatapish, soldadocunata mandaccunatapish, Galilea llactata pushaccunatapish jatun micuiman cayarca.