ESTER 2:15 - Dios Rimashcata Quillcashcami

¹⁵ Esterca Mardoqueopac tio Abihailpac ushimi carca. Mardoqueomi paipac ushita shina huiñachirca. Esterca jatun mandacpacman rina chayacpica, imata mana ruhuarcachu, ashtahuanpish jatun mandacpac huarmicunata cuidac Hegai eunuco mandashcallatacmi ruhuarca. Esterca tucui paita ricuccunapac ñaupapica tucuita atishpa allimi ricurirca.

ESTER 2:15 Referans Kwoze

CANTARES 6:9

¡Ashtahuanpish ñuca cuyashcaca sumaimana palomaca paillami! Paipac mamapacca paillami. Paita sajuaric mamapacca ashtahuan cuyashcami. Shuctac solteracuna paita ricushpaca: «Cushicui huarmi» nincunami. Jatun mandac huarmicunapish, caishuc huarmicunapish paicunapura parlashpaca:

ESTER 2:3

Can mandacca tucui can mandacuc llactacunapi carihuan manarac chayarishca sumac ñahui tucui solteracunata apamuchun, shuc runacunata acllai. Chai runacunami can jatun mandac causacuc Susa pueblopi tiyac cambac huarmicuna causana huasiman pushamunga. Chaipica chai solteracunataca can jatun mandacpac huarmicunata cuidac Hegai eunucomi cuidashpa sumacta allichinga.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

ESTER 9:29

Abihailpac ushi jatun mandac Esterpish, Judá llactamanta Mardoqueopish Purim nishca punzhacunata mana cungarishpa yuyarichunmi cutin mandashpa cai quipa quillcata quillcarcacuna.

CANTARES 8:10

Ñucaca pirca shinami cani. Ñuca chuchucunaca torrecuna shinami. Chaimantami ñuca cuyashcapac ñahuipica cushicuna cani.

ESTER 2:14

Jatun mandacpac huasiman chishi shamushpaca, cayandi tutamantami huarmicuna tiyacuc huasiman cutic carca. Jatun mandacta alli servic, mandacpac caishuc huarmicunata cuidac Saagazmi pushashpa ric carca. Chashna rishpaca mana ashtahuan jatun mandacpacman cuti pudicchu carca. Jatun mandac maijanta shamuchun nicllapimi, shutipi cayashpa pushamuc carca.

ESTER 2:16

Jatun mandac Asuero canchis huatata mandacucpimi, Tebet nishca chunga quillapi Estertaca jatun mandacpacman pushamurca.

ESTER 8:1

Jatun mandac Asueroca chai punzhallatacmi Judá llacta gentecunata piñac Amanpac huasitaca jatun mandac Esterman curca. Esterca Mardoqueopac familia cashcataca ñami huillashca carca. Chaimantami Mardoqueoca jatun mandacpacman shamurca.

PROVERBIOS 15:33

Mandac Diosta manchashpa causaccunaca alli yachaitami yachachin. Alli nishca cangapacca yangallami tucuna.