ESTER 2:10 - Dios Rimashcata Quillcashcami

¹⁰ Esterca maimanta, cashcatapish maijan familia cashcatapish mana huillarcachu. Chaitaca Mardoqueomi ama huillanguichu nishpa mandashca carca.

ESTER 2:10 Referans Kwoze

SAN MATEO 10:16

Ñucaca cancunataca ovejacunata atuccunapac chaupita cachac shinami cachani. Chaimanta cancunaca culebra shina yuyaisapa, paloma humilde caichic.

ESTER 2:20

Esterca Mardoqueo mandashca shinallatacmi maimanta cashcatapish, maijan familiamanta cashcatapish mana huillarca. Esterca Mardoqueo alli yachachishca cashpami pai nishca shinallatac ruhuarca.

EFESIOS 6:1

Huahuacuna, Apunchic Jesuspac cashcamanta cancunapac taita mamata cazuichic. Chaimi alli.

ESTER 3:8

Chaimantami Amanca jatun mandac Asuerotaca: —Can mandacuc tucui llactacunapi causaccunapurapimi cacpi, chaipi chican chican causac gentecuna tiyan. Shinallatac paicunapac mandashcacunapish shuctac llactacunahuan ricucpica, chicanmi. Jatun mandac mandashcacunatapish mana cazuncunachu. Can jatun mandac paicunata causachun saquishpaca ima allita mana ruhuanguichu.

ESTER 7:4

Ñucatapish, ñuca llacta gentecunatapish huañuchishpa tucui tucuchichun catushcami canchic. Servic caricuna, huarmicuna cachun catushca cacpica, mana imata nishpa upallami caiman carcani. Ashtahuanpish tucui ñucanchicta huañuchicpica, can jatun mandacmanca yalli llaquimi canga— nirca.

ESTER 2:7

Mardoqueoca paipac tiopac ushi Hadasa nishca Estertami taita mama illac cacpi huiñachirca. Esterca cunan huiñai alli ñahui sumac solterami carca. Esterpac taita, mama huañucpimi, Mardoqueoca quiquin ushita shina huiñachirca.

ESTER 2:11

Mardoqueoca Ester ima shina cacta, ima tucucta ricungapacmi punzhanta huarmicuna causana huasi pungu pambapi puricurca.

RUT 3:6

Rut trillana pambaman rishpaca paipac suegra nishca shinami tucuita ruhuarca.