ESDRAS 6:6 - Dios Rimashcata Quillcashcami

⁶ «Cunanca, jatun yacu chimba lado llactamanta mandac Tatnaipish, Setar-boznaipish, jatun yacu chimba ladollamantatac cac mandaccunapac huauquicunapish Jerusalenmanta anchurichic.

ESDRAS 6:6 Referans Kwoze

ESDRAS 5:3

Chai punzhacunami jatun yacu chimba lado llactacunata mandac Tatnaica Setar-boznaihuan, caishuc huauquicunahuan Jerusalenman shamushpaca: «¿Pitac cai huasita shayachichun, muyundi pircata ruhuachunca mandarcayari?» nishpa tapurca.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ESDRAS 5:6

Tatnaipish, jatun yacu chimba lado llactata mandacpish, Setar-boznaipish, jatun yacu chimba lado llactata mandaccunapac huauquicunapish jatun mandac Dariomanmi quillcata cacharcacuna.

ISAÍAS 27:8

Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

GÉNESIS 43:14

Imatapish ruhuaclla Diosllatac chai mandacpac ñaupapi cancunata llaquishpa huacaichichun. Caishuc huauquitapish, Benjamintapish cacharichun, ashtahuanpish ñuca churicuna illaclla saquirina cacpica, saquirishachari— nirca.

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

ESDRAS 4:9

Chai punzhapica mandac Rehumhuan, quillcac Simsaihuan, paicunapac maijan huauqui juezcunahuan, caishuc mandaccunahuan, quipa mandaccunahuanmi quillcarca. Shinallatac Persia llactamanta, Erec pueblomanta, Babilonia llactamanta, Susa pueblomanta shamushca elamita gentecunahuanpish quillcarcami.

ESDRAS 6:7

Diospac huasita shayachinata ama jarcaichicchu. Judá llactapi causaccunata mandacpish, mandac curacunapish Diospac huasita utcapi shayachishcallapitac shayachichun saquichiclla.

ESDRAS 6:13

Chaimantami jatun yacu chimba lado llactata mandac Tatnaipish, Setar-boznaipish, paicunapac huauquicunapish, jatun mandac Darío mandashcata mana cungarishpa tucuita ruhuarca.