ESDRAS 6:4 - Dios Rimashcata Quillcashcami

⁴ Chai huasipica quimsa fila labrashca rumicunata, shuc fila mushuc caspicunata churanguichic. Chaita ruhuangapacca jatun mandac ñuca huasipi tiyac valishcacunahuan randinguichic.

ESDRAS 6:4 Referans Kwoze

1 REYES 6:36

Shinallatac Dios-huan tupana huasi ucupi cac patataca labrashca rumicunahuanmi quimsa filata ruhuarca. Cutin shuc filataca cedro caspimantami ruhuarca.

SALMOS 68:29

Jerusalenpi tiyac cambac huasimantami jatun mandaccunaca imalla caranacunahuan shamunga.

APOCALIPSIS 12:16

Ashtahuanpish huarmita ama yacu apachunmi, allpa pascarishpa chai culebra shitashca yacutaca ucuyachirca.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

ESDRAS 6:8

Diospac huasita cutin shayachichun Judá llactata mandaccunata ayudachunmi cancunataca mandani. Chai huasi ruhuana ama jarcarichunca, jatun yacu chimba ladopi causaccuna cushca impuestota, jatun mandacpac ima valishcacunata randichun cunguichic. Pacta cungaringuichicman.

ESDRAS 3:7

Huasita ruhuaccunamanpish, carpinterocunamanpish cullquita curcacunami. Shinallatac Sidón, Tiro pueblocunapi causaccunamanpish Persia llactata jatun mandac Ciro munashca shinallatacmi Líbano urcumanta cedro caspicunata mama cuchata huambuchishpa, Jope puebloman apamuchun micunata, ubianata, aceiteta curcacuna.

ESDRAS 5:8

Can jatun mandac caita yachachunmi munanchic. Ñucanchicca Judea llactamanmi Mandac Diospac huasita rumicunahuan shayachiccunapacman rircanchic. Chai pirca jahuapica ñami caspicunata churashca. Chaicunataca utcami sumacta ruhuacuncuna.