ESDRAS 6:18 - Dios Rimashcata Quillcashcami

¹⁸ Chai quipaca Moisés mandashpa quillcashcapi nicushca shinallatacmi curacunataca servina horasllatac servichun, levitacunatapish chullayanacushpa Jerusalenpi Diosta servichun churarca.

ESDRAS 6:18 Referans Kwoze

NÚMEROS 3:6

«Aarón curata ayudachun Levipac aillucunata pushamui.

1 CRÓNICAS 24:1

Aaronpac huahua huahuacunapish Diosta servingapacmi caishuc chaishuc chaupirinacurca. Aaronpac churicunaca: Nadab, Abiú, Eleazar, shinallatac Itamarmi carca.

NÚMEROS 3:9

Levitacunaca israelcunamanta chicanyachishcami. Chaimanta paicunataca Aaronman, paipac churicunaman cungui.

1 CRÓNICAS 24:24

Uzielpac huahua huahuapuramantaca Micaía, Micaiaspac huahua huahuapuramanta Samirmi carca.

1 CRÓNICAS 25:1

Shinallatac Davidpish, soldadocunata mandaccunapish, Asafpac, Hemanpac, Jedutunpac huahua huahuacunataca Diosta servichunmi chicanyachirca. Paicunataca arpapi, salteriopi, platillopi tocashpa, Dios ima nishcata huillachunmi churarca. Diosta servingapac quillcarishca allita entendic runacunaca:

2 CRÓNICAS 7:6

Curacunaca paicuna imatac ruhuanallapitacmi carcacuna. Levitacunapish, Mandac Diosta pagui ningapac jatun mandac David ruhuashca tocanacunapimi tocarcacuna. David allichishca cantota cantashpaca: «Diosca allimari, pai llaquishcaca huiñai huiñaipacmi» nishpami cantarcacuna. Curacunaca levitacunapac chimbapurapimi trompetacunapi tocarcacuna. Israelcunaca tucuimi shayacurcacuna.

2 CRÓNICAS 35:10

Chashna tucuita allichishca quipami curacunaca paicuna ruhuana cashcallatatac ruhuangapac allichirircacuna. Levitacunapish jatun mandac mandashca shinallatacmi Diosta servingapac quipa ñaupa yaicurcacuna.