ESDRAS 6:15 - Dios Rimashcata Quillcashcami

¹⁵ Chai huasica jatun mandac Darío sucta huatata mandacucpi, Adar quilla quimsa punzhapimi tucurirca.

ESDRAS 6:15 Referans Kwoze

ESTER 3:7

Nisán nishca callari quillapi jatun mandac Asuero chunga ishcai huatata mandacucpimi, Pur nishca suerteta ruhuarca. Chaica Judá llacta gentecunata ima punzha, ima quilla, ima huata Amanpac ñaupapi huañuchinata yachangapacmi chashna suerteta ruhuarca. Chai suerteca Adar nishca chunga ishcai quillapimi urmarca.

ESTER 9:21

Chai quillcacunapica Adar quilla chunga chuscu punzhapipish, chunga pichca punzhapipish huatanta fiestata ruhuachunmi mandashpa cacharca.

ESTER 9:19

Chaimantami uchilla llactacunapi tiyac, muyundita mana pircashca uchilla pueblocunapi causac Judá gentecunaca Adar quilla chunga chuscu punzhapi jatun micuita ruhuashpa, ladollapi causaccunaman ima charishcacunata carashpa yallita cushicuncuna.

ESTER 9:17

Chai macanacuica Adar quilla chunga quimsa punzhapimi carca. Cayandi chunga chuscu punzhapica jatun micuita ruhuashpami cushicushpa samarircacuna.

ESTER 9:15

Susa pueblopi causac Judá gentecunaca Adar quilla chunga chuscu punzhapimi cutin tandanacushpa Susa pueblopi causaccunataca quimsa patsac runacunata huañuchirca. Shina huañuchishpapish paicuna ima charishcacunataca mana japircacunachu.

ESTER 9:1

Chunga ishcai Adar quilla chunga quimsa punzhapimi, jatun mandac mandashpa quillcashcata pactachina carca. Ashtahuanpish Judá gentecunata piñaccuna sinchita mandai callarina punzhapica Judá llacta gentecunami paicunata piñaccunata mandai callarirca.

ESTER 8:12

Tucui chaitaca shuc punzhallapi Adar nishca chunga ishcai quilla chunga quimsa punzhapi jatun mandac Asuero mandacuc llactacunapi ruhuana carca.

ESTER 3:13

Chai quillcacunataca jatun mandac mandacuc tucui llactacunamanmi quillcata apaccunaman cushpa cacharca. Chai quillcapica cunan huiñaicunata, yuyaccunata, huahuacunata, huarmicunatapish shuc punzhallapi tucuita huañuchishpa, paicunapac charishcata apamuchunmi mandashca carca. Chaitaca Adar nishca chunga ishcai quilla chunga quimsa punzhapi chashna ruhuachunmi mandashca carca.

1 REYES 8:63

Mandac Dios-huan alli tucungapacmi Salonmanca ishcai chunga ishcai huaranga huagracunata, patsac ishcai chunga huaranga ovejacunata Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac mingarcacuna.

ESDRAS 5:16

Shina nicpimi, Sesbasarca Jerusalenpi causac Diospac huasita shayachingapac shamushpa callari rumita churarca. Chaimanta cunancamanmi shayachicunchic. Shina cashpapish manarac tucurinchu” nirca.

ZACARÍAS 1:1

Jatun mandac Darío Persia llactata ishcai huata, pusac quillata mandacucpi, Mandac Dios Berequiaspac churi, Iddopac nieto Zacariasman huillashpaca:

ZACARÍAS 1:16

Chaimantami Mandac Dios ñucaca Jerusalentaca cutinllatac llaquichisha. Chaipimi ñuca huasitaca shayachinga. Jerusalenpimi plomadata churanga. Chaitaca tucuita Mandac Dios ñucami nini” ninmi.

ZACARÍAS 4:9

“Zorobabelmi ñucapac huasi callari rumitaca churarca. Paillatacmi tucuchinga. Chaita ricushpami, Mandac Diosllatac ñucataca cachashcata yachanguichic.

ESDRAS 4:24

Chaimantami Diospac huasita Jerusalenpi shayachinaca jarcarirca. Persia llactata jatun mandac Darío ishcai huatata mandangacamanmi chaipi saquirirca.

ESDRAS 9:9

Ñucanchic chashna servishpa causacucpipish, ñucanchic Dioslla, mana saquishpami, Persia llactata jatun mandacpac ñaupapipish ñucanchicta llaquishcata ricuchircangui. Cambac huasi tigrashcata, urmashcata cutin shayachichunmi causaita curcangui. Judá llactapipish Jerusalenpipish cuidashcanguimi.