ESDRAS 6:1 - Dios Rimashcata Quillcashcami

¹ Shina nicpimi, jatun mandac Darioca quillcacunata huacaichina huasipi mashcachun mandarca. Shina mandacpimi, Babilonia llactapi cac huasipi imapish yalli valishcacunata huacaichinapi mashcarca.

ESDRAS 6:1 Referans Kwoze

ESDRAS 5:17

Cunanca, jatun mandacman alli cacpica, Babilonia llactapi tiyac can jatun mandacpac huasipi tiyac quillcashcacunapi mashcaichic. Ciertota Jerusalenpi causac Diospac huasita shayachichun jatun mandac Ciro mandashcatapish, can jatun mandac imata yuyarishcatapish ñucanchicman huillangui» nishpami quillcata cacharca.

PROVERBIOS 25:2

Imata pacalla charinaca Diospac sumaimanami. Sumacta callarishpa ricunaca jatun mandacpac allimi.

ESDRAS 4:15

Shinallatac ñaupa taitacuna ima ruhuashcata quillcashcapi mashcachunpish huillanchic. Chai quillcashcapi mashcashpami, chai pueblopi causaccuna mana cazushcatapish, jatun mandaccunamantapish yachangui. Shinallatac llactacunatapish llaquichishpa causashcatapish, chai pueblopi causaccuna ñaupa huatacunamanta pacha mana cazuccuna cashcatapish, chaimanta chai pueblo tucurishcatapish yachangui.

APOCALIPSIS 5:1

Mandashpa tiyarinapi tiyacucca jahuamanpish ucumanpish quillcashca, shuc pillushca pangatami paipac alli maquipi charicucta ricurcani. Chai pillushca pangaca canchis sellota churashcami carca.

EZEQUIEL 2:9

Shinallatac pillushca quillcata maquipi japishpa ñucaman ricuchicuctami ricurcani.

JEREMÍAS 36:32

Shina nicpimi, Jeremiasca carata japishpa, Neriaspac churi quillcac Barucman curca. Chai carapimi Barucca Judá llactata jatun mandac Joacim rupachishca carapi tucui quillcashcacunallatatac Jeremías cutin quillcachicpi quillcarca. Chai carapica shuctac rimaicunatapish ashtahuan quillcarcami.

JEREMÍAS 36:29

Chai quipaca Judá llactata jatun mandac Joacimtaca: “Mandac Diosca: Punta quillcata can rupachishpaca: ‘Cai carapica, ¿imamantatac Babilonia llactata jatun mandac shamushpa, cai llactatapish, gentecunatapish, animalcunatapish tucui tucuchinga’ nircangui?

SALMOS 40:7

Chaimantami ñucaca: «Can quillcashca pillushca carapica ñucamantami huillacun. Ñucaca chaita ruhuangapacmi shamuni. Chai carapica:

JOB 29:16

Imata mana chariccunapacca taita shinami carcani. Imata mana yachaccunamantaca ñucami rimac carca.

ESDRAS 4:19

Shinallatac ñuca mandacpimi, mashcashpa chai pueblopi causaccunaca ñaupa huatacunamanta pacha jatun mandacta mana cazuc cashcata, tandanacushpa jatun mandacpac contra shayarishcata,

EZEQUIEL 3:1

Chaipi rimashpaca: «Huañunalla runa, cai pillushca quillcata micui. Chai quipaca israelcunaman huillangapac ri» nirca.

ESDRAS 6:22

Levadura illac tandata micuna jatun fiestataca canchis punzhatami yallita cushicushpa ruhuarcacuna. Mandac Dios paicunata cushichishcamanta, Asiria llactata jatun mandacta, Diosllatac yuyaita cushpa israelcunapac Diospac huasita ruhuanata mana jarcashcamantami chashna cushicurca.

ESDRAS 7:13

Caitaca ñucami mandani. Ñuca mandana llactacunapi causac tucui israelcunapish, curacunapish, levitacunapish Jerusalenman canhuan risha nishpaca richunlla.

DANIEL 9:25

Shinallatac caitapish allita uyashpa entendiyari. Chaica Jerusalenta allichichun mandashca punzhamanta Dios cachashca Quishpichic shamungacamanca canchis semana, canchis chunga ishcai semanami tucunga. Canzha pambatapish, llacta muyundi pircacunatapish llaqui punzhacunapimi allichinga.