ESDRAS 5:16 - Dios Rimashcata Quillcashcami

¹⁶ Shina nicpimi, Sesbasarca Jerusalenpi causac Diospac huasita shayachingapac shamushpa callari rumita churarca. Chaimanta cunancamanmi shayachicunchic. Shina cashpapish manarac tucurinchu” nirca.

ESDRAS 5:16 Referans Kwoze

ESDRAS 6:15

Chai huasica jatun mandac Darío sucta huatata mandacucpi, Adar quilla quimsa punzhapimi tucurirca.

ESDRAS 3:10

Mandac Diospac huasi ruhuaccuna callari rumicunata churai callaricpimi, curacunaca paicunapac churanata churarishpa, trompetapi tocai callarirca. Shinallatac levitacunapuramanta Asafpac huahua huahua levitacunatapish, israelcunata jatun mandac David mandashca shinallatacmi platillocunapi huactashpa, Mandac Diosta alli nicurca.

ESDRAS 3:8

Jerusalenpi causac Diospac huasiman cutimushca ishcai huata callari ishcai quilla tucucpimi, Salatielpac churi Zorobabelpish, Josadacpac churi Jesuapish, caishuc huauquicunapish, curacunapish, levitacunapish, tucui prezu cashcamanta Jerusalenman cutimushcacunapish Mandac Diospac huasita shayachi callarircacuna. Diospac huasita shayachiccunata pushachunca ishcai chunga huata yallita charic levitacunatami churarca.

ZACARÍAS 4:10

Cai huasita ruhuai callari punzhapi ‘Mana caipacmi’ niccunaca Zorobabel plomadata charicucta ricushpaca cushicungami” nirca. Chai quipaca angelca: “Chai canchis lamparacunaca Mandac Dios paipac ñahuihuan tucui cai pachata ricucuctami nisha nin” nirca» nirca.

HAGEO 2:18

Cunan punzhamanta pacha cancunapac shungupica allita yuyarichic. Cai iscun quilla, ishcai chunga chuscu punzhapi Mandac Dios ñucapac huasita ruhuashpa, rumicunata churai callarishca punzhamanta pacha cancunapac shungupi allita yuyarichic.

ESDRAS 5:2

Shina huillacpimi, Salatielpac churi Zorobabelpish, Josadacpac churi Jesuapish Diospac huasita Jerusalenpi cutin shayachi callarirca. Shinallatac Dios ima nishcata huillaccunapish paicunata ayudarcacunami.

SAN JUAN 2:20

Shina nicpimi mandac israelcunaca: —Cai huasitaca chuscu chunga sucta huatapimi shayachirca. ¿Maitatac quimsa punzhallapi shayachinguiyari?— nirca.

ESDRAS 5:14

Shinallatac Jerusalenpi cac Diospac huasimanta jatun mandac Nabuconodosor apashca curimanta, cullquimanta ruhuashca ima charishcacunatapish Babilonia llacta dioscunapac huasimantami jatun mandac Ciroca llucchishpa, Sesbasarman cushpa cacharca. Paitaca mandac cachunmi churashca carca.

ESDRAS 5:15

Shina cushpaca: ‘Cai charishcacunataca Jerusalenpi cac Diospac huasiman apailla. Diospac huasitaca punta maipi cashca pushtullapitac shayachinguichic’ nirca.

ZACARÍAS 4:9

“Zorobabelmi ñucapac huasi callari rumitaca churarca. Paillatacmi tucuchinga. Chaita ricushpami, Mandac Diosllatac ñucataca cachashcata yachanguichic.