ESDRAS 5:11 - Dios Rimashcata Quillcashcami

¹¹ Shina tapucpimi paicunaca: “Ñucanchicca jahua pachata, cai pachata ruhuac Diosta serviccunami canchic. Ñucanchicca tigrachishca huasitami cutin shayachicunchic. Cai huasitaca israelcunata jatun mandacmi ñaupa huatacunapi shayachishca carca.

ESDRAS 5:11 Referans Kwoze

GÁLATAS 6:14

Ñucaca imamantapish “allimi cani” mana ninichu, ashtahuanpish Apunchic Jesús cruzpi huañushcallamantami “alli cani” nini. Paimantami ñucamanca cai pachapacta ruhuanaca huañushca shina imapish mana can, shinallatac ñucapish cai pachapacta ruhuangapacca huañushca shinallatacmi cani.

ROMANOS 6:16

Maijanpish amota cazungapac yaicushpaca, servicmi tucun. Chaitaca cancunallatac yachanguichicmi. Chai shinallatacmi jucha mandashca causacushpaca, huañuiman apac juchata servicunguichic. Ashtahuanpish Diosta cazushpaca, pai chasquishcami canguichic.

ROMANOS 1:16

Alli huillaica maijanpish cricta quishpichingapacmi poderta charin. Chaica, puntaca israelcunatami, quishpichinga. Shinallatac mana israelcunatapish quishpichingami. Chaimantami alli huillaimantaca mana pingani.

HECHOS 27:23

Cunan tutami ñuca alli nina Diospac ángel ñucahuan carca.

SAN LUCAS 12:8

Ñucaca: Maijanpish gentecunapac ñaupapi “ricsinimi” nictaca, Runa Tucungapac shamushca ñucapish Diospac angelcunapac ñaupapi “ricsinimi” nishami.

SAN MATEO 10:32

Maijanpish gentecunaman ñucata caticushcata huillacpica, ñucapish jahua pacha ñuca Taitaman ‘caticmi’ nishpa huillashami.

JONÁS 1:9

Shina nicpimi Jonasca: —Ñucaca hebreopurami cani. Mama cuchatapish, cai pachatapish ruhuac, jahua pacha Mandac Diosta cazucmi causani— nirca.

DANIEL 3:26

Chaimanta Nabucodonosorca chai rupacuc horno pungu cuchuman cuchuyashpaca: —¡Jahua pacha Diosta servic Sadrac, Misac, Abed-nego, chaimanta llucshishpa shamuichic!— nirca. Shina nicpimi, Sadracpish, Misacpish, Abed-negopish chai nina chaupimanta llucshirca.

SALMOS 119:46

Ima shina causanata can yachachishcataca jatun mandaccunapac ñaupapimi huillasha. Shinallatac mana pingaichishcachu casha.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

1 REYES 6:38

Chai huasitaca chunga shuc huatata ña mandacucpimi, Bul shuti pusac quillapi tucui tucuchirca. Chaipi ima tiyanatapish, chaipi ima minishtirishcatapish canchis huatapi shayachishpa tucuchirca.

ESDRAS 5:10

Shinallatac paicunapac mandacpac shutitapish quillcashpa canman huillangapac tapurcanchicmi.

SALMOS 136:26

Jahua pacha Diosta alabaichicyari. ¡Paica huiñaita llaquicmi!

GÉNESIS 24:3

Ñuca causacuc cananeocunapac ushita ñuca churipac huarmi cachun mana apamungapac jahua pachata, cai pachata Mandac Diospac shutipi ari ni.

1 REYES 9:10

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuashpa tucuchirca.