ESDRAS 4:19 - Dios Rimashcata Quillcashcami

¹⁹ Shinallatac ñuca mandacpimi, mashcashpa chai pueblopi causaccunaca ñaupa huatacunamanta pacha jatun mandacta mana cazuc cashcata, tandanacushpa jatun mandacpac contra shayarishcata,

ESDRAS 4:19 Referans Kwoze

PROVERBIOS 25:2

Imata pacalla charinaca Diospac sumaimanami. Sumacta callarishpa ricunaca jatun mandacpac allimi.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

ESDRAS 5:17

Cunanca, jatun mandacman alli cacpica, Babilonia llactapi tiyac can jatun mandacpac huasipi tiyac quillcashcacunapi mashcaichic. Ciertota Jerusalenpi causac Diospac huasita shayachichun jatun mandac Ciro mandashcatapish, can jatun mandac imata yuyarishcatapish ñucanchicman huillangui» nishpami quillcata cacharca.

ESDRAS 4:15

Shinallatac ñaupa taitacuna ima ruhuashcata quillcashcapi mashcachunpish huillanchic. Chai quillcashcapi mashcashpami, chai pueblopi causaccuna mana cazushcatapish, jatun mandaccunamantapish yachangui. Shinallatac llactacunatapish llaquichishpa causashcatapish, chai pueblopi causaccuna ñaupa huatacunamanta pacha mana cazuccuna cashcatapish, chaimanta chai pueblo tucurishcatapish yachangui.

2 REYES 24:20

Chaimantami Mandac Diosca Jerusalenpi causaccunahuanpish, Judá llactapi causaccunahuanpish yallita piñarishpa, paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami cariyarca.

DEUTERONOMIO 13:14

Chashna uyaricpica, allita yachangacaman tapushpa puringuichic. Paicuna chashna millana mana allita cancunapac chaupipi ruhuashca cacpica,

ESDRAS 4:18

Cancuna cachashca quillcaca ñami ñuca ñaupapi rezashca carca.

ESDRAS 4:20

Jerusalenpi sinchi jatun mandac tiyashcata, chai mandac jatun yacu chimba ladopi tiyac tucui llactacunata manchachic cashcata tarishca. Chai llactapi causaccunaca tributotapish, impuestotapish, imamanta cuna cashcatapish cushpa causashcatami tarishca.