EFESIOS 6:19 - Dios Rimashcata Quillcashcami

¹⁹ Alli huillaita huillashpa, chai pi mana yachashcata mana manchashpa huillangapac, Dios yuyaita cuchun ñucamantapish Diosta mañaichic.

Nuevo Testamento en Quichua Cañar 1996

¹⁹ Alli huillaita huillashpa, chai pi mana yachashcata mana manchashpa, imata nina cashcallata huillachunca, Dios yuyaita cuchun ñucamantapish Diosman mañaichic.

EFESIOS 6:19 Referans Kwoze

COLOSENSES 4:3

Cristomanta pi mana yachashca alli huillaita maipipish huillangapac, ñucanchicmanta Diosta mañaichic. Chaita huillashcamantami, ñucaca caipi prezu tiyacuni.

HECHOS 4:29

Cunanca Mandac Dioslla, paicuna manchachishpa, jarcashcata ricuiyari. Can mandashcacunata mana manchashpa, huillangapac sinchiyachiyari.

2 TESALONICENSES 3:1

Caitapish nishpaca, cancuna chasquishca shinallatac, Apunchic Jesucristomanta huillashcata tucui llactacunapi utca chasquichunca, ñucanchicmanta Diosta mañaichic.

1 TESALONICENSES 5:25

Cuyashca criccuna, ñucanchicmanta Diosta mañaichic.

HEBREOS 13:18

Ñucanchicmanta Diosta mañaichic. Imapish alli cachunmi allita pushana yuyailla, pipacpish mana juchanchishca cashcata yachanchic.

HECHOS 4:31

Chashna mañashca quipaca, paicuna tandanacushpa tiyacuc huasica chucchurcami. Diospac Espíritu paicunapi junda cacpimi, mana manchashpa, Diosmanta huillarcacuna.

1 TESALONICENSES 2:2

Filipos pueblopi ñucanchic camishca, llaquichishca cashcatapish yachanguichicmi. Chashna llaquihuan cacpipish, alli huillaita huillachun Diosllatac sinchiyachishcatapish yachanguichicmi.

2 CORINTIOS 8:7

Cancunaca alli criccuna, alli huillaita huillaccuna, alli yachaccuna, cushicushpa imatapish allita ruhuaccuna, shinallatac ñucanchicta cuyaccunami canguichic. Chai shinallatacmi cancunaca imata cushpapish, Dios cuyashcamanta yallita cuna canguichic.

EFESIOS 1:9

pai munashcamanta ñaupaman cusha nishca pacashcataca, Cristomanta ñucanchic japichun ricuchirca.

1 CORINTIOS 4:1

Chaimanta ñucanchictaca Cristota serviccuna, Diosmanta pipish mana yachashcata yachachichun churashcata yuyachun.

HECHOS 28:31

Dios mandacucmanta huillashpa, Apunchic Jesucristomantapish yachachic carca. Pi mana jarcashcami, pai tucui huillasha nishcata huillac carca.

HECHOS 19:8

Pabloca quimsa quillatami israelcuna tandanacuna huasiman yaicushpa, gentecuna crichun, Dios mandacucmanta mana manchashpa huillarca.

HECHOS 13:46

Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.

FILEMÓN 1:22

Cancuna Diosta mañacushcamanta, “Diosca ñucata cutinllatac cancunapacman cachangami” nishpami shuyacuni. Chaimanta ñuca pozanatapish allichicungui nishpami mañani.

COLOSENSES 2:2

Paicuna tucui shunguhuan crishpa, cuyanacushpa, sinchiyashpa catichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

2 CORINTIOS 3:12

Chai sumaimana huillashca yuyailla cashpami, mana manchashpa tucuiman huillacunchic.

1 CORINTIOS 1:5

Cristomantami cancunaca yallita yachaccunapish, allita rimaccunapish canguichic.

HECHOS 14:3

Chaimantami Pablopish, Bernabepish chai pueblopi unaicaman saquirirca. Apunchic Jesús paicunaman poderta cucpimi, mana manchashpa huillarcacuna. Dios cuyac cashcata huillashpami, milagrocunatapish, mancharinacunatapish ruhuarcacuna.

HECHOS 9:27

Chaimantami Bernabeca apostolcunapacman Saulota pusharca. Chaipimi Bernabeca Apunchic Jesús Sauloman ñanpi ricurishpa rimashcatapish, Saulo Damascopi mana manchashpa Jesusmanta huillashcatapish parlarca.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

2 CORINTIOS 7:4

Cancunahuanca shungumantami parlani. Ima shina cashcata ricushpami cai tucui llaquicunahuan cashpapish, cushicushpa ashtahuan catina yuyaita japini.

2 CORINTIOS 1:11

Cancuna Diosta mañashpa ayudacpimi, ñucanchictaca huacaichishpa catinga. Achcacuna ñucanchicmanta mañacpica, achcacunami Dios allicunata ñucanchicman cushcamantaca paita alli ningacuna.

1 CORINTIOS 2:7

Ñucanchicca huiñaita sumac llactapi causagrichunmi, pipish mana yachashca, cai pachata Dios manarac ruhuashpa, huacaichishpa charicushca yachaicunata huillacunchic.

ROMANOS 15:30

Cuyashca criccuna, Apunchic Jesucristomanta, Diospac Espiritupac cuyaimantami ñucamanta Diosta mañachun mañani.

HECHOS 18:26

Apolosca israelcuna tandanacuna huasipimi mana manchashpa huillai callarirca. Chaimantami Priscilapish, Aquilapish paillata cayashpa, Dios ima shina causachun nishcata ashtahuan alli yachachirca.

HECHOS 4:13

Pedropish, Juanpish yachacungapacllapish mana rishca yangalla runacunami carca. Chashna cashpapish mana manchashpami, allita rimarca. Chaimantami chai mandaccunaca mancharishpa saquirirca. Chaimantami paicunaca Jesus-huan puriccuna cashcata yachac chayarcacuna.

HECHOS 2:4

Chashnami tucui chaipi caccunapi Diospac Espíritu yaicurca. Chaimantami Diospac Espíritu rimachicpi, chican chican rimaicunata rimai callarirca.

HECHOS 9:29

Sauloca Jerusalenpipish mana manchashpami, Apunchic Jesusmanta huillarca. Griego rimac israelcunahuanpish ñahui ñahuimi rimanacuc carca. Chaimantami Saulotaca huañuchinata yuyarinacurca.

ROMANOS 16:25

Alli huillaita ñuca huillashca shina, Jesucristomanta yachachishca shina, cai pachata manarac ruhuashca punzhamanta pacha pacashcata ricuchishca shina, alli caticta ruhuangami. ¡Chaimanta Diosta alli nishunchic!

2 CORINTIOS 6:11

¡Corintopi causac criccunalla! Imatapish mana pacashpami, cancunamanca parlanchic. Ñucanchic shungupi imata yuyashcatapish, tucuitami ricuchinchic.

EFESIOS 3:9

Tucuita ruhuac Diosca pai imata ruhuasha nicushcataca, ñaupamanta pachami pacashpa charicushca. Chaita huillachunmi ñucamanca mingarca.