EFESIOS 5:18 - Dios Rimashcata Quillcashcami

¹⁸ Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

Nuevo Testamento en Quichua Cañar 1996

¹⁸ Ama machaichicchu. Machaccunaca imapipish mana jarcarincunachu. Chaipac randica, Diospac Espíritu yuyaita cushca shina causanata munaichic.

EFESIOS 5:18 Referans Kwoze

PROVERBIOS 20:1

Runaca vinota ubiashpaca burlashpami asin. Machana yacuta ubiashpaca bullashpami caparin. Chaicunata ubiashpaca mana yachaisapa cashcatami ricuchin.

ROMANOS 13:13

Punzhapi puricuc shina, allita ruhuashpa causashunchic. Ama yalli micunallata, ubianallata munashunchic, ama huainayashunchic, ama piñanacuipi churashunchic, ama mana allicunata ruhuashunchic.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

ISAÍAS 5:22

¡Aij, machangapacpish, machana yacuta chapungapacpish sinchi runacunalla!

1 CORINTIOS 5:11

Ashtahuanpish chashna nishpaca, cric cashca jahua huaclliriccunahuan, imatapish charinallata munaccunahuan, imapish tucushca canman niccunahuan, ruhuashcalla dioscunata adoraccunahuan, llullaccunahuan, machaccunahuan, shuhuaccunahuan amatac tandaringuichicchu nisha nircanimi. Chashna gentecunahuanca micungapacllapish ama tiyaringuichicchu ninimi.

HECHOS 11:24

Bernabeca alli runa, alli cric, Diospac Espíritu jundami carca. Chaimantami pai huillacpica, achca gentecuna Apunchic Jesusta crirca.

1 TESALONICENSES 5:7

Maijanpish sueñucca tutami sueñun, maijanpish machacca tutami machan.

SAN LUCAS 12:45

Ashtahuanpish chai mayordomo paipac shungupi: “Ñuca amoca mana utca shamungachu” yuyashpa, cari serviccunatapish, huarmi serviccunatapish macashpa, pailla micushpa, ubiashpa, machashpami puricunman.

SAN LUCAS 11:13

Cancuna mana alli cashpapish, huahuacunamanca allitami cunguichic. Ashtahuanpish jahua pacha Dioscarin, jucha illac Espiritutami mañacpica cunga— nirca.

1 CORINTIOS 6:10

shuhuaccunapish, charinallata munaccunapish, machaccunapish, llaqui tucuchun niccunapish, crichishpa shuhuaccunapish, Dios mandacucpica mana yaicungacunachu.

TITO 1:6

Criccunata pushacca pipish mana juchanchishca, shuc huarmillahuan causacmi cana can. Paipac huahuacunapish Apunchic Jesucristota cric, shinallatac imalayapish purishcamanta, mana cazushcamantapish pi mana juchanchishcami cana can.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

DEUTERONOMIO 21:20

Chashna apashpami, chai llactata pushac yuyaccunamanca: “Cai ñucanchic churica mana cazuc, sinchi shungumi. Ñucanchic nishcatapish mana cazushpami, paipac munashcata ruhuashcata ruhuashpa, machashpa purin” nishpa huillanga.

1 CORINTIOS 11:21

Chashnami maijancunaca micungapac rishpaca, mana shuyashpa micunguichic. Maijancunaca yarcaihuanmi saquirin. Maijancunaca machactami ubiashcanguichic.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

GÉNESIS 9:21

Chai uvas vinota ubiashpami Noeca machashpa, chai carpa huasi ucu pambapi lluchulla siricurca.

SAN MATEO 23:25

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca vasotapish, platotapish jahuallatami jahuanguichic. Ucupica shuhuana yuyai, chayucyana yuyai jundami canguichic.

ISAÍAS 25:6

Tucuita Mandac Diosmi cai urcupi tucui gentecunaman jatun micuita ruhuanga. Chaipimi sumac mishqui micuita carashpa, sumac vinotapish ubiachinga. Sumac micuitapish carangami, imahuan mana chapushca sumac vinotapish ubiachingami.

SALMOS 69:12

Pueblo pungupi tandanacushca runacunapish ñucata piñashpami rimarcacuna. Machashcacunapish ñucata mana alli nishpami cantarcacuna.

SAN MATEO 24:49

caishuc serviccunata macashpa, machaccunahuan tandarishpa micushpa, ubiashpa puri callaringa.

CANTARES 7:9

Cambac shimica cambac cuyashcapac shimipi alli vino yaicucuc shina cachun. Shimitapish, quirutapish vino yaicuc shina cachun.

LEVÍTICO 10:9

«Ñucahuan tupana huasiman yaicungapacca canpish, cambac churicunapish vinota, tragota ama ubianguichicchu. Pacta huañunguichicman. Cai mandashcataca cambac huahua huahuacunapish huiñaitami pactachina can.

SAN JUAN 2:10

—Pipish alli vinotaracmi ubiachin. Ña yallita ubiashca quipami, yangalla vinotaca ubian. Chashna cashpapish, canca alli vinotami cunancaman huacaichishpa charicushcangui— nirca.