EFESIOS 5:11 - Dios Rimashcata Quillcashcami

¹¹ Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

Nuevo Testamento en Quichua Cañar 1996

¹¹ Amsapi causac, yangalla mana allita ruhuaccuna shina ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

EFESIOS 5:11 Referans Kwoze

ROMANOS 13:12

Tutapish ñami pacarimugrin. Chaimanta amsapi mana allicunata ruhuashpa causanata saquishpa, achicta churaric shina, allita ruhuaichic.

1 TIMOTEO 5:20

Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

2 TESALONICENSES 3:6

Cuyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichichu ninchic.

ROMANOS 16:17

Cuyashca criccuna, cancuna yachacushcamanta shuctaclayata yachachishpa chicanyachiccunamanta cuidaringuichic ninimi. Chashna yachachishpa pandachiccunamanta cuidaringuichic.

APOCALIPSIS 18:4

Cutinllatac jahua pachamanta shuc rimashca uyarishpaca: «¡Ñuca acllashca huahuacunalla! Paicunahuan pacta mana llaquichishca cangapac, paicuna shina mana juchata ruhuangapacca, chai pueblota shitashpa llucshichic.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

2 TESALONICENSES 3:14

Maijanpish cai quillcapi nishcata mana cazucta ricushpaca, pai pingaita charichunca ama tandaringuichicchu.

ROMANOS 6:21

Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

2 TIMOTEO 3:5

Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

GÁLATAS 6:8

Maijanpish millai munaita ruhuacca, chai millaita ruhuashcamantami huañuita japinga. Ashtahuanpish Diospac Espíritu munashcata ruhuacca, Diospac Espiritumantami huiñai causaita japinga.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

PROVERBIOS 13:18

Alli causachun cunashcata mana uyasha nic runaca pingaichishcapish, huacchapishmi canga. Ashtahuanpish alli causachun cunashcata chasquicca alli nishcami canga.

LEVÍTICO 19:17

Shuccunata ama cambac shungupi piñanguichu. Ashtahuanpish maipi pandaricushcata ricuchishpa cunangui. Mana cunashpaca juchayucmi tucungui.

1 TESALONICENSES 5:7

Maijanpish sueñucca tutami sueñun, maijanpish machacca tutami machan.

SAN LUCAS 3:19

Chashnallatac Juanca mandac Herodestaca paipac huauqui Felipepac huarmi Herodias-huan causacushcamantapish, shuctac mana allicunata ruhuashcacunamantapishmi sinchita rimarca.

EFESIOS 5:7

Chashna caccunahuanca ama tandaringuichicchu.

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

ISAÍAS 29:21

shuccunata juchallichiccunapish, llacta pungupi cancunata rimaccunata urmachingapac tucllata churaccunapish, cashcata ruhuac runata yanga juchanchishpa, llaquichiccunapish tucuringami.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

GÉNESIS 20:16

Shinallatac Sarataca: —Riqui, cambac turimanca huaranga cullquitami curcani. Chai cullquimi canhuan cac tucui gentecunapac ñaupapi yuranlla paño shina, chuya cashcata ricuchinga. Chaimantami cantaca pi mana juchanchinga— nirca.

PROVERBIOS 19:25

Burlashpa asic runata macacpica, mana yachac runapish cazunata yachacungami. Yuyaisapa runata alli tucuchun rimacpica, ashtahuanmi yuyaita japin.

PROVERBIOS 15:12

Burlashpa asic runaca paita cunactaca piñanmi. Yachaisapacunahuanca mana tandarinchu.

SAN MATEO 18:15

Maijan cric canta llaquichishpa juchallicpica, paillata cayashpa, paillahuan rimangui. Pai can rimashcata uyashpaca, cutinllatacmi Diospacman cutinga.

JEREMÍAS 15:17

Millaita ruhuashpa cushicuc runacunahuanpish mana tandarircanichu. Can ñucata cambacllata ruhuashcamanta pachami, ñucalla causai callarircani. Chai millaita ruhuaccunataca mana ricunayanchu.

PROVERBIOS 1:31

Paicuna millaita ruhuashpa causashcataca tarpushpa cosechac shinami japingacuna. Chashnami huicsa pactata micungacuna.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

PROVERBIOS 1:10

Ñuca huahualla, millaita ruhuaccuna inquitacpipish ama uyanguichu.

PROVERBIOS 28:4

Mandashcamanta caruyac runacunaca Diosta mana manchaccunatami alli nin. Ashtahuanpish mandashcata pactachiccunaca paicunata mana ricunayachishpami piñancuna.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

EFESIOS 5:12

Paicuna pacalla imatapish ruhuashcata rimanataca pinganayanmi.

COLOSENSES 1:12

Diosta pagui nishpa, cushicushpa apanguichiclla. Paimi Diospaclla caccuna japina cashcata cancunapish paipac achiclla mandacucpi japiccuna cachun ruhuarca.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.