EFESIOS 4:8 - Dios Rimashcata Quillcashcami

⁸ Chaimantami Dios quillcachishcapica: «Pai jahuaman rishpaca, prezu caccunata pushashpami rirca. Gentecunamanca Diosmanta ruhuac canatami curca» ninmi.

Nuevo Testamento en Quichua Cañar 1996

⁸ Dios quillcachishcapica: “Pai jahuaman rishpaca, prezu caccunata pushashpami rirca. Gentecunamanca Diosmanta ruhuac canatami curca” ninmi.

EFESIOS 4:8 Referans Kwoze

SALMOS 68:18

Mandac Dioslla, prezucunata apashpami, jahuaman rircangui. Gentecunamantapish ofrendata japircanguimi, mana cazuccunamantapish japina cashcatami japircangui. Paicunapac chaupipi mandangapacmi chashna japircangui.

COLOSENSES 2:15

Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

1 SAMUEL 30:26

Siclag pueblopi David chayashpaca, macanacushpa quichumushcacunataca Judá llactapi causac yuyaccunamanpish, paipac ricsishcacunaman cuchun cachashpaca: «Riqui, caicunatami canman carani. Caicunaca Mandac Diosta piñaccunamanta quichumushcacunami» nirca.

ESTER 2:18

Chai quipami jatun mandacca Esterta alli nishpa pai churashca tucui mandaccunamanpish, paita serviccunamanpish jatun micuita ruhuarca. Shinallatac llactacunapica impuestotami ashallata pagachun nirca. Jatun mandac cashcamantami ima allicunatapish mana llaquirishpa achcata paicunaman curca.

JUECES 5:12

¡Deboralla ricchariyari! Riccharishpa sumac cantota Diosman cantaiyari. ¡Abinoampac churi Baraclla, jatarishpa canta piñaccunata prezushpa apaiyari!

PROVERBIOS 30:4

¿Pitac jahua pachaman rishpa, cutimushcayari? ¿Pitac maquipi huairata tandachishcayari? ¿Pitac yacuta montonashpa chari pudishcayari? ¿Pitac cai pachataca muyundita ruhuashcayari? ¿Paica ima shutitac canyari? ¿Paipac churipac shutitaca yachanguichu?

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.