EFESIOS 3:7 - Dios Rimashcata Quillcashcami

⁷ Ñuca mana ima cacpipish Dios cuyashcallamantami, cai alli huillaita huillachun ñucataca churarca. Diosca chashna ruhuashpami, pi mana ruhuaipacta ruhuac cashcata ricuchirca.

Nuevo Testamento en Quichua Cañar 1996

⁷ Ñucatami Taita Diosca llaquishpa mai c'uyashcallamanta, alli huillaita huillachun churarca. Diosca chashna ruhuashpami, pi mana ruhuaipacta ruhuac cashcata ricuchirca.

EFESIOS 3:7 Referans Kwoze

EFESIOS 1:19

Ñucanchic paita criccuna cacpimi imatapish allita ruhuachun paipac poderta ñucanchicman cucun. Cai poderllahuantacmi, Diosca pipish mana ruhuaipaclla cashcata ruhuashpa,

EFESIOS 3:20

Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.

EFESIOS 3:2

Diosca paipac cuyaimanta cancunapac allipac alli huillaita huillachun ñucaman mingashcataca, ñami yachanami canguichic.

2 CORINTIOS 3:6

Paillatacmi paipac mushuc ari ninacuita huillachun, ñucanchicman yachachirca. Chaica mana mandashcapi quillcashcachu, ashtahuanpish Diospac Espíritu yachachishcami. Mandashcaca huañuchinmi, ashtahuanpish Espirituca causaitami cun.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

COLOSENSES 1:29

Chashna ruhuangapacmi, llaquicunata apana cacpipish, Cristo imatapish ruhuaclla cashcahuan tucui yuyaihuan ruhuacunilla.

1 CORINTIOS 15:10

Shina cacpipish Dios cuyashcallamantami cashna cani. Pai ñucata cuyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish ñucapi tiyac Diospac cuyaimi ayudashpa ruhuachishca.

1 CORINTIOS 3:5

Ñucanchicca Pablo cashpapish, Apolos cashpapish ¿imatac canchicyari? Ashtahuanpish Apunchic Jesuspacta ruhuaccunallami canchic. Ñucanchic huillacpimi, cancunaca paita crircanguichic. Ñucanchicca Apunchic Jesús imata ruhuachun ricuchishcallata ruhuaccunami canchic.

ROMANOS 15:16

mana israelcunapac allipac Jesucristota servichun acllarca. Chaimantami cashna quillcani. Chaica, mana israelcunata Diospac Espíritu Diospacllata ruhuachun, paicuna mishquilla ashnacuc ofrenda shina cachunmi quishpirinamanta alli huillaita huillashpa Diosta servicuni.

ROMANOS 1:5

Tucui llactacunapi paita crishpa cazuchun, paipac shutita alli nichunmi Jesucristoca cuyashcallamanta apóstol cachun ñucataca acllarca.

EFESIOS 4:16

Tucui criccuna Cristopac cuerpo shina cashpaca, tauca cashpapish chaqui maqui llutarishca shinami shuc shinalla canchic. Chashna tauca cashpapish cuyanacushpa, caishuc chaishuc allita ruhuacpica, tandanacuica sinchiyashpami catinga.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

GÁLATAS 2:8

Pedrota israelcunapacman huillachun cachac Diosllatacmi, ñucatapish mana israelcunaman huillachun cacharca.

2 CORINTIOS 4:1

Chaimantami Dios llaquishpa cai ruhuanata ñucanchicman mingashcamantaca, mana saquishpa ruhuacunchiclla.

ISAÍAS 43:13

Ñaupa punzhacunamanta pachami ña tiyarcani. Ñuca maquimantaca quichucca pi mana tiyanchu. Ñuca imata ruhuanata munashcataca pi mana jarcai pudingachu» ninmi.

HECHOS 9:15

Chashna nicpipish, Apunchic Jesusca: —Rilla, paitaca mana israelcunamanpish, jatun mandaccunamanpish, israelcunamanpish ñucamanta huillachunmi acllarcani.

ROMANOS 12:3

Dios ñucata cuyashcamantami, cancunataca ama yachac tucuichicchu, chaipac randica Dios crina yuyaita cushca shina, causachunmi ninimi.