EFESIOS 3:20 - Dios Rimashcata Quillcashcami

²⁰ Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.

Nuevo Testamento en Quichua Cañar 1996

²⁰ Ima shinami Taita Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can. ¡Chaimanta paitaca “sumacmari cangui” nishunchic!

EFESIOS 3:20 Referans Kwoze

2 CORINTIOS 9:8

Diosca imatapish ruhuaclla cashpami, cancunapac imalla illashcata punzhanta charichunca, tucuilaya allicunata cunga. Chashna charishpaca, tucuilaya alli ruhuaicunata ruhuangapacmi, yalli yalli charinguichic.

ROMANOS 4:21

Abrahamca: “Diosca, pai cusha nishcata cungapac poderta charinmi” nishpami shuyacurcalla.

JEREMÍAS 32:27

«Ñucaca tucui cai pachapi causaccunata Mandac Diosmi cani. Ñucamanca imapish mana ruhuaipacca mana tiyanchu.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

1 CORINTIOS 2:9

Ashtahuanpish Dios quillcachishcapica: «Imapish mana ricushcata, mana uyashcata shinallatac jaicapi mana yuyashcatami, paita cuyaccunamanca Diosca cusha nicun» ninmi.

EFESIOS 1:19

Ñucanchic paita criccuna cacpimi imatapish allita ruhuachun paipac poderta ñucanchicman cucun. Cai poderllahuantacmi, Diosca pipish mana ruhuaipaclla cashcata ruhuashpa,

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

EFESIOS 3:7

Ñuca mana ima cacpipish Dios cuyashcallamantami, cai alli huillaita huillachun ñucataca churarca. Diosca chashna ruhuashpami, pi mana ruhuaipacta ruhuac cashcata ricuchirca.

ROMANOS 16:25

Alli huillaita ñuca huillashca shina, Jesucristomanta yachachishca shina, cai pachata manarac ruhuashca punzhamanta pacha pacashcata ricuchishca shina, alli caticta ruhuangami. ¡Chaimanta Diosta alli nishunchic!

1 REYES 3:13

Shinallatac can mana mañacpipish, charic tucunata yallita alli canatami cugrini. Shina cashcamantami cambac tucui causaipica jatun mandacpuramantaca maijanpish chashnaca mana tiyanga.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

DANIEL 3:17

Chashna ruhuacpica, ñucanchic servina, ñucanchic Diosmi chai rupacuc hornomantapish, can jatun mandacpac maquimantapish quishpichinga.

COLOSENSES 1:29

Chashna ruhuangapacmi, llaquicunata apana cacpipish, Cristo imatapish ruhuaclla cashcahuan tucui yuyaihuan ruhuacunilla.

2 CRÓNICAS 25:9

Shina nicpi, Amasiasca Mandac Diospac runataca: —Patsac talento cullquita Israel soldadocunaman cushcataca, ¿imatatac ruhuasha?— nirca. Shina nicpimi, Mandac Diospac runaca: —Mandac Diosca chaitapish yallitami cunata pudin— nirca.

SAN JUAN 10:10

Shuhuacca shuhuangapac, huañuchingapac, chingachingapacmi yaicun. Ñucaca causaita cungapac, yalli causaita cungapacmi shamurcani.

ÉXODO 34:6

Mandac Dios Moisespac ñaupata pasashpaca: —Mandac Diosmi cani. Mandac Diosmi cani. Ñucaca yallita llaquic, cuyac, mana utca piñaric, shinallatac cashcata ruhuacmi cani.

SANTIAGO 4:12

Mandashcata cucca shinallatac taripacca shucllami can. Paillatacmi quishpichinga, mana cashpaca, jatun llaquiman cachanga. Ashtahuanpish shuccunata mana alli nishpa juchanchingapacca, ¿canca imatac canguiyari?

1 TIMOTEO 1:14

Ñucanchic Apunchic Jesucristohuan shuclla tucucpica, cuyaitapish, crina yuyaitapish, ñucata yallita cuyashcamantami Apunchic Jesucristoca curca.

DANIEL 6:20

Chai jutcu cuchuman chayashpa Danielta llaquilla tucushpa cayashpaca: —¡Causac Diosta servic Daniel-lla! Punzhanta can servina cambac Diosca, ¿leoncunapac jutcumanta quishpichishcachu?— nirca.

HEBREOS 11:19

Chaica Abrahamca Diosca huañushcacunatapish causachingapac poderta charic cashcata crishpami huañuchigrircalla. Shina crishcamantami, cutin causarishcata shina paipac churitaca chasquirca.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

2 SAMUEL 7:19

Jatun Mandac Dioslla, chaita ruhuashami nishca jahuapish quipaman canta servic ñucapish, ñuca huasi ucupuracunapish ima shina canamantapish huillashcanguimi. Mandac Dioslla, can shinaca, ¿pi gentecuna ruhuangachu?

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

GÉNESIS 18:4

Cancunapac chaquita jahuangapac yacuta apamungacaman shuyaichic, quipaca yura llandupi samaringuichic.

2 CRÓNICAS 9:12

Jatun mandac Salomonca Sabá llactata jatun mandac huarmi tucui imata mañashcatami curca. Chai huarmi imata apamushcamantapish yallitami curca. Chai quipami mandac huarmica paita servic runacunandi paipac llactaman cutirca.