EFESIOS 2:8 - Dios Rimashcata Quillcashcami

⁸ Cancunaca Dios cuyashcallamantami Jesucristota crishpa quishpirishca canguichic. Chaitaca mana cancuna allita ruhuashcamantachu chasquircanguichic, ashtahuanpish chaica Dios cushcallami can.

Nuevo Testamento en Quichua Cañar 1996

⁸ Cancunaca Jesucristota crishcamantami Taita Dios c'uyashpa, quishpichishcacuna canguichic. Chaitaca mana cancuna allita ruhuashcamantachu chasquircanguichic, ashtahuanpish Taita Dios c'uyashcallamantami cancunaca quishpirishca canguichic.

EFESIOS 2:8 Referans Kwoze

EFESIOS 2:5

Chashna cuyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Dios cuyashcallamantami, cancunaca quishpirishca canguichic.

ROMANOS 4:16

Diosca cuyashcallamantami Abrahamman cushca nishcataca paipac huahua huahuacunamanpish cushca. Dios cushami nishcaca mana mandashcacunata cazuccunallamanchu, ashtahuanpish Abraham shina criccunamanpishmi can. Abrahammi tucuipac taita tucushca.

ROMANOS 10:17

Chaica, alli huillaita uyashpami crincuna. Chai uyashcaca Cristomanta huillashcami.

HECHOS 16:31

Chashna tapucpimi paicunaca: —Apunchic Jesucristota cri. Canpish, cambac tucui familiapish quishpiringuichicmi— nirca.

SAN JUAN 6:37

Tucui ñuca Taita cushcacunami ñucapacman shamun. Chai shamuccunataca manatac cutichishpa cachashachu.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

SAN LUCAS 7:50

Chaimantami Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

MARCOS 16:16

Maijanpish crishpa, bautizaricca quishpiringami. Ashtahuanpish mana cricca, juchanchishcami canga.

SAN JUAN 3:36

Maijanpish paita cricca huiñai causaitami charin. Maijanpish paita mana cricca mana huiñai causaita charinchu, ashtahuanpish paitaca Diosca piñacungallami.

ROMANOS 4:5

Ashtahuanpish Diosca ima allita mana ruhuacpipish, paita cricpica, juchacunata perdonashpa chasquinmi. Chaica, crishcallamantami chasquin.

EFESIOS 2:10

Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

GÁLATAS 3:22

Ashtahuanpish Dios quillcachishcapi nishca shinaca, maijanpish Jesucristota crishcallamanta Dios cusha nishcata japichunmi, juchaca tucui gentecunata huatashca shina charicun.

HECHOS 13:39

Moisés mandashcacunata pactachishpaca, mana Dios-huan alli tucui pudircanguichicchu, ashtahuanpish Jesusta cricpimi, Diosca paihuan alli tucuchun pitapish chasquin.

GÁLATAS 3:14

Taita Abrahamman Dios allicunata cusha nishcata Jesucristomanta mana israelcunapish chasquichun, shinallatac Dios cusha nishca Espirituta ñucanchic crishcamanta chasquichunmi, chashnaca tucurca.

SAN JUAN 6:40

Taitaca paipac Churita maijanpish ricushpa crishpaca, huiñai causaita charichunmi munan. Ñucami tucuri punzhapi paicunataca causachisha— nirca.

SAN JUAN 6:35

Shina nicpimi Jesusca: —Ñucami huiñai causaita cuc tandaca cani. Maijanpish ñucapacman shamucca manatac yarcachingachu. Maijanpish ñucata cricca manatac yacunayachingachu.

EFESIOS 1:19

Ñucanchic paita criccuna cacpimi imatapish allita ruhuachun paipac poderta ñucanchicman cucun. Cai poderllahuantacmi, Diosca pipish mana ruhuaipaclla cashcata ruhuashpa,

HECHOS 14:27

Antioquía puebloman chayashpaca, chaipi causac tandanacushca criccunatami tandachirca. Chashna tandachishpami, Dios paicunahuan cacpi, ima allicunata ruhuashcatapish, mana israelcunacaman quishpirichun Dios saquishcatapish parlarca.

SAN JUAN 6:65

Shinallatac Jesusca: —Chaimantami ñucaca: “Taita mana pushamucpica, pi mana ñucapacman shamungachu” nishpa, yachachircani— nirca.

COLOSENSES 2:12

Cancuna ña bautizarishca cashcamantaca, Cristohuan enterrashca shinami canguichic. Shinallatac Cristota causachic imatapish ruhuaclla Diosta crishcamantaca, huañushcacunapuramanta Cristohuan pacta causachishca shinami canguichic.

SAN JUAN 6:44

Ñucata cachac Taita mana pushamucpica, pi ñucapacman mana shamunchu. Chai shamuccunataca tucuri punzhapi causachishami.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

FILIPENSES 1:29

Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarcami.

ROMANOS 10:14

Chaica, ¿ima shinatac Jesusta manarac crishpaca mañangacuna? ¿Ima shinatac paimanta huillashcata mana uyashpapish cringacuna? ¿Ima shinatac mana pi huillacpica uyangacuna?

SAN MATEO 16:17

Shina nicpimi Jesusca: —Jonaspac churi Simón cushicui. Caitaca pi mana yachachishcachu, ashtahuanpish jahua pacha ñuca Taitami yachachishca.

HECHOS 16:14

Chaipica, Tiatira pueblomanta Lidia huarmimi ñucanchic huillashcata uyacushca carca. Chai huarmica morado sumac lienzota catucmi carca, shinallatac Diosta yuyaricmi carca. Chai huarmimanmi Apunchic Jesusca Pablo huillashcata tucui shunguhuan uyachun, yuyaita curca.

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.

HECHOS 15:11

Ashtahuanpish Apunchic Jesús cuyashcallamantami, ñucanchicpish, paicuna shinallatac quishpichishca cashun. Chaitami crinchic— nirca.

ROMANOS 9:16

Shina cacpica, mana gentecuna munashcamanta, mana imata ruhuashcamantachu Diosca llaquin, ashtahuanpish pai cuyashcallamantami llaquin.

HEBREOS 6:4

Maijanpish Dios yuyaita achicyachicpi, mishquilliric shina Dios cushcacunata yachashpa, Diospac Espiritutapish chasquishpa,

SAN MATEO 20:9

Pichca pacha chishita yaicuccunapish tucui punzha trabajomantami cullquita chasquirca.