EFESIOS 2:7 - Dios Rimashcata Quillcashcami

⁷ Cristo Jesusmanta ñucanchicta mai llaquishpa, yallita cuyashcata shamuc punzhacunapi ricuchingapacmi, chashnaca ruhuashca.

Nuevo Testamento en Quichua Cañar 1996

⁷ Jesucristomanta ñucanchicta mai llaquishpa, yallita c'uyashcata shamuc punzhacunapi ricuchingapacmi, chashnaca ruhuashca.

EFESIOS 2:7 Referans Kwoze

TITO 3:4

Chashna cacpipish ñucanchicta Quishpichic Diosca pai cuyac, llaquic cashcata ricuchishpami,

2 TESALONICENSES 1:12

Chashnami cancunaca ñucanchic Apunchic Jesustaca alli ninguichic, shinallatac cancunatapish Paica alli ningami. Chashnami ñucanchic Diospish, Apunchic Jesucristopish mai cuyashcamanta alli ninga.

EFESIOS 2:4

Shina cacpipish Diosca mai llaquic cashpami, ñucanchictaca yallita cuyarca.

ISAÍAS 60:15

Shitashca pamba, pipish mana ricunayachishca, pipish mana purinata munashca cacpipish, ñucami cantaca huiñai huiñaita alli nishca cachun ruhuasha. Tucui quipa huiñaicuna cushicushpa causanatami ruhuasha.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Diosca Jesús acllashca huillaccunaman, Pai acllashca huillaccunamanpish ricuchishca.

EFESIOS 3:21

¡Tandanacushca criccuna, Jesucristohuan shuclla tucushcamantaca, huiñai huiñaita Diostaca “sumacmari cangui” nicushunchic! Chashna cachun.

SALMOS 106:48

¡Israelcunata Mandac Diosca ñaupamanta huiñaicaman alli nishca cachun! Shinallatac tucui gentecuna: «Chashna cachun» nichicyari. ¡Mandac Diosta alabaichicyari!

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.