EFESIOS 2:14 - Dios Rimashcata Quillcashcami

¹⁴ Cristomi ñucanchicmanca israelcunahuan, mana israelcunahuan apanacushpa causana yuyaita cun. Pai huañushpami, chicanyarinacushca shuc pirca shinata anchuchishpa, shuclla tandanacushcata ruhuarca.

Nuevo Testamento en Quichua Cañar 1996

¹⁴ Cristomi ñucanchicmanca israelcunahuan, mana israelcunahuan apanacushpa causana yuyaita cun. Pai huañushpami, ch'icanyarinacushca shuc pirca shinata anchuchishpa, shuclla tandanacushcata ruhuarca.

EFESIOS 2:14 Referans Kwoze

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami Israelmantapish, mana Israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.

COLOSENSES 1:20

Diosca Cristomantami, tucui pai ruhuashcacunataca paihuan alli tucuchun chasquisha nirca. Chashnami, Jesucristo cruzpi huañushcamanta cai pachapi causaccunatapish paihuan alli tucuchun chasquirca.

COLOSENSES 2:20

Cancuna Jesucristohuan huañushca shina cashcamantaca, cai pachapi tiyashca imapish manchanacunaca cancunata ña mana mandacunchu. Shina cashpaca, ¿ima nishpatac cai pacha mandashca shina causacunguichic?

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

HECHOS 10:36

Diosca Jesucristotami israelcunaman paihuan alli tucushpa, sumacta causachun, alli huillaita huillachirca. Paica tucuita mandac Jesucristomi.

HECHOS 10:28

Chaipimi Pedroca: —Israelcuna, mana israelcunahuan mana tandanacuc cashcataca, cancunallatac yachanguichicmi. Paicunapac huasillamanpish mana chayarina cashcatapish yachanguichicmi. Shina cacpipish, Dios ñucaman ricuchishpaca: “Pitapish ama mana alli nishpa, millanguichu” nirca.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

SAN JUAN 10:16

Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN LUCAS 1:79

Amsapi causaccunatapish, purapi huañunalla causaccunatapish achicyachishpami, ñucanchicta sumac causai ñanta pushangami» nirca.

MIQUEAS 5:5

¡Paimi ñucanchicmanca cushi causaita cunga! Asiriocuna ñucanchic llactaman shamushpa, mandashpa tiyana huasicunata sarunacucpica, canchis michiccunata, pusac mandaccunatami paicunata llaquichichun cachashun.

HEBREOS 7:2

Chaimantami Abrahamca macanacushpa quichushcacunata, chungamanta shucta Melquisedec curaman curca. Melquisedec shutica: “Cashcata ruhuac jatun mandac” nisha ninmi. Shinallatac: «Salem llactata mandac» nishcapish, “cushi causac mandac” nisha ninmi.

EFESIOS 4:16

Tucui criccuna Cristopac cuerpo shina cashpaca, tauca cashpapish chaqui maqui llutarishca shinami shuc shinalla canchic. Chashna tauca cashpapish cuyanacushpa, caishuc chaishuc allita ruhuacpica, tandanacuica sinchiyashpami catinga.

EFESIOS 3:15

Paimantami jahua pachapi caccunapish, cai pachapi caccunapish tucui mashna causaita charincuna.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

SAN JUAN 11:52

Mana chai llactallamantachu huañuna carca, ashtahuanpish caita chaita rishpa causacuc Dios acllashcacunata tandarishpa, shucllata ruhuangapacmi huañuna carca.

ZACARÍAS 6:13

Paimi, Mandac Dios ñuca huasitaca shayachinga. Paica tucuipac alli nishcami canga. Pai mandashpa tiyarinapi tiyarishpami, tucuita mandanga. Paipac ladopica shuc curami shayacunga. Paihuanca shuc yuyaillami canga” ninimi.

ESTER 3:8

Chaimantami Amanca jatun mandac Asuerotaca: —Can mandacuc tucui llactacunapi causaccunapurapimi cacpi, chaipi chican chican causac gentecuna tiyan. Shinallatac paicunapac mandashcacunapish shuctac llactacunahuan ricucpica, chicanmi. Jatun mandac mandashcacunatapish mana cazuncunachu. Can jatun mandac paicunata causachun saquishpaca ima allita mana ruhuanguichu.

EFESIOS 2:17

Sumac apanacuita cuc alli huillaita pai apamushpami, Diosmanta carupi causac cancunamanpish, Diosmanta cuchullapi causaccunamanpish yachachirca.