EFESIOS 2:10 - Dios Rimashcata Quillcashcami

¹⁰ Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

Nuevo Testamento en Quichua Cañar 1996

¹⁰ Taita Diosmi ñucanchictaca ruhuashca. Chashna ruhuashpaca, Jesucristohuan shuc shinalla tucushcamanta allicunata ruhuachunmi mushucta ruhuashca. Chai allicunata ñucanchic ruhuachunmi, ñaupamanta pacha allichishca.

EFESIOS 2:10 Referans Kwoze

FILIPENSES 2:13

Diosllatacmi imapish paiman allita ruhuana yuyaitapish, allita munana yuyaitapish cancunaman cun.

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

2 CORINTIOS 9:8

Diosca imatapish ruhuaclla cashpami, cancunapac imalla illashcata punzhanta charichunca, tucuilaya allicunata cunga. Chashna charishpaca, tucuilaya alli ruhuaicunata ruhuangapacmi, yalli yalli charinguichic.

EFESIOS 4:24

Cancuna mushuc churanata churaric shina, Dios mushucyachishca causaichic. Shina causashpami, cashcata nic huillashca shina Diospaclla tucushpa, allillata ruhuashpa, shuccunamanpish ricuchinguichic.

FILIPENSES 1:6

Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

EFESIOS 4:1

Ñuca Apunchic Jesuspacta ruhuacushcamanta prezu tiyacushpami cancunataca: Dios ima shina causachun cayashca shina causaichic.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

ISAÍAS 43:21

Cai acllashcacunataca ñucapac cachunmi ruhuarcani. Tucui paicunami ñucataca alli nishpa cantanga.

EFESIOS 1:4

Diosca paipac cuyaimantami manarac cai pachata ruhuashpa, ñucanchictaca jucha illac paipac ñaupapi paipaclla cachun acllashca.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

TITO 3:14

Ñucanchicpuramanta caccunapish allita ruhuashpa, huacchacunaman ima illashcatapish ayudashpa, Diospac ñaupapi allicuna cachunmi munani.

HEBREOS 10:24

Caishuc chaishuc cuyaihuan ayudanacungapac allita ruhuana yuyaita cushunchic.

TITO 3:8

Cai rimashcacunaca chashnatacmi can. Diosta criccuna allicunallata ruhuashpa causachunca, allitami yachachina cangui. Cai alli ruhuaicunaca tucuipacmi alli can.

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Dios mushucta ruhuashpa pushacpimi, cancunaca pai shina tucushpa Diosta allita ricsic chayanguichic.

TITO 2:7

Ima ruhuaipipish canrac allita ruhuashpa ricuchingui. Yachachicushpapish mana pucllarishpa, chuya shunguhuan,

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

TITO 3:1

Criccunataca llactata mandaccunatapish, pueblota mandaccunatapish cazuchun, imata ruhuachun mandacpipish cushilla ruhuachuncuna,

1 JUAN 2:6

Maijanpish Dios-huan shucllami cani nishpaca, Jesucristo causashca shinallatacmi causana can.

SALMOS 138:8

Mandac Dioslla, canca huiñaita llaquicmi cangui. Can Mandac Dios ñucaman imata ruhuasha nicushcataca pactachiyari. ¡Cambac maquihuan ruhuashcataca ama saquichuyari!

ISAÍAS 29:23

Chaica, paicunapac chaupipi ñuca mancharinacunata ruhuashcata ricushpami, ñuca shutitaca jucha illacmi ninga. Israelcunapac Diostami alli ninga.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

SAN JUAN 3:21

Cashcata ruhuashpa causaccunaca, Diosllatac ruhuachicushcata yachachunmi, achicman cuchuyancunalla— nirca.

SALMOS 51:10

Ñuca Dioslla, ñucataca chuya shunguta ruhuaiyari. Allita ruhuac Espirituta ñucapica cutin churaiyari.

2 TESALONICENSES 2:17

cancunapac shunguta cushichishpa, imata rimangapacpish, punzhanta imata ruhuangapacpish alli yuyaicunata cuchun ninchicmi.

ROMANOS 8:29

Diosca, ñaupaman ricsishcacunataca paipac Churi shina cachunmi acllarca. Chashnami achca criccunamanta punta cachun chicanyachirca.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

2 CORINTIOS 5:5

Chashna japichunca, Diosllatami yuyaita curca. Chaita japina cashcata ricuchichunca, paillatacmi paipac Espirituta ñucanchicman curca.

ISAÍAS 44:21

Mandac Diosca: «Jacobopac huahua huahuacunalla, israelcunalla, cancunaca ñucata serviccunami canguichic. Chaitaca alli yuyarichicyari. Israelcunalla, cancunataca ñucami ruhuarcani. Ñucata serviccunami canguichic. Ñucata ama cungarichicchu.

1 TIMOTEO 5:25

Chashnallatacmi imapish allita ruhuashcacunaca tigrai ricurin. Mana tigrai ricurishpapish, quipatami ricuringa. Pacallaca mana saquiringachu.

1 TIMOTEO 2:10

Chaipac randica Diosta cazuc huarmicuna ruhuana cashca shina, imapish allicunallata ruhuachun ninimi.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

1 TIMOTEO 5:10

Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

HECHOS 9:36

Jope pueblopica, Tabita shuti cric huarmimi causarca. Chai shutica, griego rimaipica «Dorcas» nisha ninmi. Chai huarmimi huacchacunata ayudashpapish, shuctac allicunata ruhuashpapish causac carca.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

ISAÍAS 19:25

Chaica tucuita Mandac Diosmi paicunataca: «¡Egiptopi causac gentecunaca ñucapacmi, Asiria llactapi causaccunapish ñuca maquihuan ruhuashcami! ¡Israelcunaca ñucapaclla chicanyachishcami! ¡Paicunatami bendiciani!» ningami.

SALMOS 119:3

Pai munashca shina causaccunaca ima millaita mana ruhuancunachu.

SALMOS 81:13

¡Ñuca acllashcacuna ñuca rimashcata uyashca cacpi, israelcuna ñuca mandashca shina purishca cacpica,

GÁLATAS 6:15

Circuncisionta ruhuashcapish, mana circuncisionta ruhuashcapish mana ima canchu, ashtahuanpish Dios mushucyachicpi mushuc causanami ashtahuan alli.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

DEUTERONOMIO 32:6

Imatapish mana yachac, yuyai illac gentecunalla, ¿chashnachu Mandac Diostaca ruhuana carcanguichic? ¿Paica manachu cancunaman causaita cuc Taita? Paimari causaita cushpa callarichirca.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

ISAÍAS 43:7

Ñuca shutipi cayashcacunataca tucuita cachaichic. Paicunataca sumaimana cachunmi ruhuarcani» ninmi.

EFESIOS 1:1

Ñucaca Dios munashcamanta Jesús acllashca apóstol Pablomi cani. Efeso pueblopi Cristo Jesusta crishpa Diospaclla caccunamanmi,

EFESIOS 2:6

Ñucanchictaca Cristohuan causachishpami, jahua pachapi paihuan pacta tiyachirca.

EFESIOS 2:13

Shina cacpipish Cristo Jesus-huan shuclla tucushcamantami, cunanca pai yahuarta jichashcamanta Diosmanta carupi cashpapish, Diosman cuchuyashcanguichic.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami Israelmantapish, mana Israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.