EFESIOS 1:3 - Dios Rimashcata Quillcashcami

³ Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

Nuevo Testamento en Quichua Cañar 1996

³ Cristohuan shuc shinalla tucushcamantami, ñucanchicmanca paipac Espirituta cushpa, jahua pachapi tiyac tucui laya allicunata Taita Diosca curca. ¡Chaimantami ñucanchic Apunchic Jesucristopac Taita Diostaca alli nicunalla canchic!

EFESIOS 1:3 Referans Kwoze

1 PEDRO 1:3

¡Ñucanchic Apunchic Jesucristopac Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana cuyaimanta Jesucristota causachishpa, ñucanchictaca cutin huacharishca shinata ruhuarca.

2 CORINTIOS 1:3

Ñucanchic Apunchic Jesucristopac Diosca alli nishca cachun. Paica llaquic tucuita cushichic Diosmi.

EFESIOS 2:6

Ñucanchictaca Cristohuan causachishpami, jahua pachapi paihuan pacta tiyachirca.

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

EFESIOS 1:20

Cristota causachishpa, jahua pachapi paipac alli maquiman tiyachishpa ricuchirca.

SALMOS 72:19

¡Paipac sumaimana shutica huiñaita alli nishca cachun! Paipac sumaimana achicca tucui cai pachapi jundashca cachun. Chashna cachun, chashna cachun.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Dios imatapish yachac cashcata yachachunmi, chashnaca ruhuarca.

GÁLATAS 3:9

Abraham crishcamanta allicunata chasquishca shinallatacmi maijanpish cricmanca Abrahamman cushca shinallatac allicunata cunga.

1 CRÓNICAS 4:10

Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.

ISAÍAS 61:9

Paicunapac huahua huahuacunapish, retoñac shina llucshishca huahuacunapish llactacunapac ricsiscami canga. Paicunata ricuccunaca “Mandac Dios ñuca bendiciashca huahua huahuacunami” ningacunami» ninmi.

SALMOS 134:3

¡Jahua pachatapish, cai pachatapish ruhuac Mandac Dios Sión pueblomanta canta bendiciachun!

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, chai shinallatac paicunapish ñucanchic-huan shuc shinalla cachunmi mañani. Cai pachapi causaccuna can ñucata cachashcata crichunmi, chashna mañani.

SALMOS 72:17

Jatun mandacpac shutica huiñaitami causanga. Inti tiyashcacaman paipac shutica alli nishcami canga. Paimantami tucui shuctac llactapi causaccunaca bendiciashca canga. Paicunaca yallita cushicushpami alli ningacuna.

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

2 CORINTIOS 11:31

Huiñaita “allimari cangui” nina, Apunchic Jesuspac Diosllami, ñuca cashcatatac nicuctaca yachan.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

GÉNESIS 14:20

Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

1 CORINTIOS 12:12

Cuerpoca shuclla cashpapish, chican chican partecunatami charin. Chashnallatacmi Cristopac cuerpomanta nishpapish shuclla can.

ROMANOS 12:5

Chai shinallatacmi ñucanchicca tauca cashpapish, Cristohuan shuc shinalla canchic. Shinallatac tucui ñucanchicpish shuc cuerpo shinallami canchic.

DANIEL 4:34

Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.

EFESIOS 1:10

Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

ROMANOS 15:6

Tucui mashna shuc yuyailla, ñucanchic Apunchic Jesucristopac Diosta alli nichunmi munani.

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

HEBREOS 8:5

Dios-huan tupana huasita Moisés ruhuagricucpimi, Dios rimashpaca: “Riqui, urcupi ricuchishca shina, chai huasita ruhuangui” nirca. Chaimantami cai pachapi cac curacuna servishpaca, jahua pachapi tiyashcata ricuchic llandu shinallatac ruhuacuncuna.

FILIPENSES 2:11

Diosta “sumacmari cangui” nishpa, Jesucristotapish “tucuita Mandacmi cangui” nichunmi» chashnaca ruhuarca.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

HEBREOS 9:23

Tucui chaipi tiyaccunaca jahua pachapi ima tiyacucman ricchami. Chaimantami chuyayachin can. Ashtahuanpish jahua pachapi tiyaccunamantacarin, animalta yahuartapish yallimi cuna can.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

SAN JUAN 14:20

Chai punzhami ñucaca Taitahuan shuclla cashcata, cancunaca ñucahuan, ñucaca cancunahuan shuclla cashcata yachanguichic.

SAN LUCAS 2:28

Simeón chai huahuata marcashpa, Diosta pagui nishpaca:

2 CRÓNICAS 31:8

Ezequiaspish, mandaccunapish chai grano montoncunata ricungapac rishpaca, Mandac Diosta allimari cangui nishpami, Dios acllashca israelcunatapish bendiciarcacuna.