ECLESIASTÉS 6:12 - Dios Rimashcata Quillcashcami

¹² Runapac causai punzhacunaca llandu pasacuc shina yangallami. Chai punzhacuna alli canataca, ¿pitac yachan? Runa huañushca quipa inti achicyachicuc cai pachapi ima tucuna cashcataca, ¿pitac huillai pudingayari?

ECLESIASTÉS 6:12 Referans Kwoze

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

ECLESIASTÉS 3:22

Cai pachapi causaccuna huañushca quipa ima tucuna cashcataca pi mana huillai pudinchu. Chashna cashcamantaca quiquin trabajomanta alli cushicushpa causanami alli. Ñucanchicpac caipica chailla tiyashcatami ricuni.

JOB 14:2

Sisa sumacta pascarishpa chaquic shina, llandu ricurishpa chingaric shinami can.

SALMOS 144:4

Gentecunaca samai shinallami. Paicuna causana punzhacunaca llandu shinallami.

ECLESIASTÉS 8:13

Ashtahuanpish Diosta mana manchac runapacca imapish mana alli llucshinata, paipac causana punzhacuna ashallayashpa, llandu shina tucuna cashcatami yachani. Diospac ñaupapi mana manchashcamantami chashnaca tucunga.

ECLESIASTÉS 8:7

Paica ima tucunataca mana yachanchu. ¿Pitac pai ima tucunataca huillangayari?

JOB 8:9

Ñucanchicca cainallamanta cashpami imatapish mana yachanchic. Ñucanchic causaica cai pachapica llandu shinallami.

1 CRÓNICAS 29:15

Ñucanchicca cambac ñaupapica tucuimi ñaupa taitacuna shinallatac shuc llactamanta shamushpa, pozashpa causacunchic. Ñucanchic causaica cai pachapica llandu chingaric shina chingarinallami.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

ECLESIASTÉS 9:6

Paicunapac cuyaipish piñaipish, envidianapish ñami tucurirca. Inti achicyachicuc cai pachapi tucui imata ruhuanatapish ña mana charingacunachu.

ECLESIASTÉS 2:3

Ñuca yuyaipi allita entendishpapish ñuca cuerpotaca vinota ubiashpami cushichisha nircani. Chashnami huañuclla runa causacuc tucui punzhacunapi paiman ima alli cashcata, imata ruhuana cashcata yachanata munarcani.

SALMOS 109:23

Llandu chingaricuc shinami ñucaca tucuricuni. Langosta curu shinami caiman chaiman shitashca cani.

SALMOS 102:11

Ñuca causaica llandu shinami chingaricun. Quihua shinami chaquicuni.

SALMOS 17:15

Ashtahuanpish ñucaca cashcata ruhuac cashcamantami cambac ñahuita ricusha. Ñuca riccharishpaca cambac ñahuita ricushpami mai cushicusha.

SALMOS 4:6

Taucacuna rimashpaca: «¿Pitac allita ruhuashpa ricuchingayari?» nincunami. Mandac Dioslla, cambac ñahuihuan ñucanchicta achicyachiyari.

JOB 14:21

Paipac churicuna alli nishca cacpipish, paica mana yachac chayangachu. Paicuna llaquichishca cacpipish mana yachangachu.

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

SALMOS 89:47

Ñuca causaica llandu shinalla cashcataca yuyaringuiyari. ¿Imapactac aichayuc runapac huahuacunataca ruhuarcanguiyari?

SALMOS 47:4

Paimi, pai cuyashca Jacobopac sumac llactata ñucanchicman acllashpa curca

SALMOS 16:5

Mandac Dioslla, canmi ñucamanca imatapish cungui. ¡Ñuca causaica cambac maquipimi!

ECLESIASTÉS 2:24

Runamanca micuna, ubiana shinallatac paipac trabajomanta paipac shungu munashcata ruhuashpa cushicunami ashtahuan alli. Chashna cushicunatapish, Diosllatac cuc cashcatami ricurcani.

ECLESIASTÉS 6:11

Yallita rimarishpaca, imapish yanga rimaicunatami ashtahuan riman. Chaica runamanca imapac mana valinchu.

ECLESIASTÉS 7:15

Tucui caicunatami ñuca yanga causai punzhacunapi ricushcani. Cashcata ruhuac runaca, cashcata ruhuac cashpapish huañunllami. Mana allita ruhuac runaca, mana allita ruhuac cashpapish unaitami causan.

ECLESIASTÉS 9:9

Inti achicyachicuc cai pachapi causachun Dios cushca tucui cambac yanga causaipi, cambac cuyashca huarmihuan cushicui. Cai pachapi trabajashcamantaca chashnami cushicuna cangui.

ECLESIASTÉS 10:14

Quipaman ima tucunata pipish mana yachanchu. Shina cacpipish mana entendic runaca yallita rimacunllami. Paipac quipa ima tucunataca ¿pitac huillangayari?