ECLESIASTÉS 5:17 - Dios Rimashcata Quillcashcami

¹⁷ Chaipac jahuapish paipac tucui causai punzhacunapimi llaquihuan, nanaihuan yallita imatapish ruhuashpa, pura tutapi shina micun.

ECLESIASTÉS 5:17 Referans Kwoze

SALMOS 127:2

Yangallami cancunaca utca trabajoman llucshishpa, tutayanata samaringapac cutinguichic. Micungapacllami shaicucta trabajanguichic. Diosca pai cuyashcacunataca sumactami samachin.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

SALMOS 102:9

Chaimantami tandata shina uchupata micurcani. Ñuca ubianataca huiquihuanmi chapuni.

SALMOS 78:33

Chaimantami Diosca paicunataca shuc llanduta shina chingachirca. Paicunapac causacuc huatacunataca jatun llaquihuanmi tucuchirca.

JOB 21:25

Caishucca mana cushilla causashpa, causaipi mana cushicushpami huañunga.

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

2 REYES 1:6

Shina nicpimi paicunaca: —Shuc runami ñucanchic-huan tupashpaca: “Cancunata cachac jatun mandacpacman cutishpa, Mandac Diosca: ‘Ecrón pueblopi tiyac Baal-zebub diosman tapuchun cachachunca Israel llactapica, ¿manachu Dios tiyan? Chaimantami can siricuc camamantaca mana uricunguichu. Ashtahuanpish huañunguitacmi’ ninmi” nigrichic— nirca.

2 REYES 1:2

Ocoziasca Samaria llactapi cac paipac huasi ventanamanta urmashpami yallita ungurca. Chaimantami maijan huillaccunata cachashpaca: «Ecrón pueblopi tiyac Baal-zebub diospacman rishpa, ñuca cai ungüimantaca alliyanata, mana alliyanata tapugrichic» nirca.

1 REYES 17:12

Chashna nicpimi, chai huarmica: —¡Canta Mandac Diospac shutipimi nini: Cusashca tandataca mana charinichu! ¡Maqui junda harinallatacmi puñupi charini! Aceitetapish ashallatami pomapi charini. Cunanca, ishcailla yantatami ñuca cari huahuahuan tandata ruhuashpa micungapac murucuni. Caita micushpaca huañushunllami— nirca.

GÉNESIS 3:17

Cutin Adantaca: —Ñuca: “Cai yuramanta ama micunguichu” nishca jahua, cambac huarmi nishcata uyashpa, micushcamantami cai allpaca mana alli nishca canga. Tucui causaipimi llaquita trabajashpa, granota pucuchishpa causangui.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

ECLESIASTÉS 2:23

Tucui paipac causai punzhami llaquillata, mana allillata apan. Imata ruhuashcapish paillatatacmi llaquichin. Paipac yuyaica tutapish mana samarinchu. Chaipish yangallami.

ECLESIASTÉS 2:10

Ñuca shunguca tucuita ruhuashcahuanmi cushicurca. Chaimantami ñuca ñahui imata munashcata ruhuarcani. Ima shina cushicunata munashpaca chashnatacmi cushicurcani. Chaicunataca ñuca shunguhuan ruhuashpatacmi yallita cushicurcani.

ECLESIASTÉS 2:24

Runamanca micuna, ubiana shinallatac paipac trabajomanta paipac shungu munashcata ruhuashpa cushicunami ashtahuan alli. Chashna cushicunatapish, Diosllatac cuc cashcatami ricurcani.

ECLESIASTÉS 7:14

Alli punzha cacpica, chai punzhamanta cushicui. Cutin mana alli punzha cacpica, Dios chai ishcai punzhacunatatac ruhuashcata yuyari. Chaica runa paipac quipa ima tucunata ama yachachunmi, chashnaca churarca.