ECLESIASTÉS 4:10 - Dios Rimashcata Quillcashcami

¹⁰ Shuc urmacpica, caishucmi jatarichin. Ashtahuanpish ¡aij shuclla causac runalla, paitaca pitac jatarichingayari!

ECLESIASTÉS 4:10 Referans Kwoze

1 TESALONICENSES 5:11

Chaimanta ima shinami cunan cancuna caticuc shinallatac, caishuc chaishuc-huan alli catina yuyaita cunacushpa, ayudanacushpa causaichic.

1 TESALONICENSES 4:18

Chaimanta cai rimashcacunahuan caishuc chaishuc cushichinacuichic.

GÁLATAS 6:1

Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

1 SAMUEL 23:16

Chaita yachashpami, Saulpac churi Jonatanca Hores pambapi Davidta ricungapac rirca. Diospi yuyaita churashpa ashtahuan sinchiyachun nishpami,

GÉNESIS 4:8

Cainca paipac huauqui Abeltaca: «Pambaman llucshishunchic» nirca. Ña pambapi puricushpami, Cainca paipac huauqui Abelta macashpa huañuchirca.

2 SAMUEL 14:6

Canta servic ñucaca ishcai huahuacunatamari charircani. Shina cashpapish paicunaca piñanacushpami pambapi macanacushpa, pipish mana misacpi, shucca caishucta chugrichishpa huañuchishca.

2 SAMUEL 11:27

Ña duelo cana punzhacuna tucuricpimi, Davidca pai mandashpa causana huasiman pushamuchun cacharca. Shina pushamucpimi, chai huarmica shamushpa, Davidpac huarmi tucushpa, shuc cari huahuata charirca. Ashtahuanpish David chashna ruhuashcaca Mandac Diospac ñaupapica mana allichu carca.

ÉXODO 32:21

Shinami Moisesca Aarontaca: —Cai gentecunaca, ¿imatatac cantaca ruhuarcayari? ¿Ima nishpatac jatun juchata ruhuangacaman saquircanguiyari?— nirca.

ECLESIASTÉS 4:9

Shuclla causanapac randica, ishcai tucushpa causanami ashtahuan alli. Ishcai cashpami trabajashpapish allita japincuna.

ECLESIASTÉS 4:11

Camapi sueñushpapish ishcai cashpami cunurincuna. Ashtahuanpish shuclla cashpaca ¿pihuantac cunuringayari?