ECLESIASTÉS 4:1 - Dios Rimashcata Quillcashcami

¹ Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

ECLESIASTÉS 4:1 Referans Kwoze

ECLESIASTÉS 3:16

Shinallatac inti achicyachicuc cai pachapi, allita ruhuanapac randica, millaita ruhuac cashcatami ricuni. Cashcata ruhuanapac randica, mana allita ruhuac cashcatami ricuni.

ECLESIASTÉS 5:8

Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

SANTIAGO 5:4

Cancunapac allpapi granota tandaccunamanca mana pagashcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Diosca uyashcami.

SAN MATEO 26:56

Ashtahuanpish Dios ima nishcata huillac quillcashca pactachunmi, chashna tucushca— nirca. Chaipimi yachacuccunaca Jesusllata saquishpa, tucui miticushpa rircacuna.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

LAMENTACIONES 1:9

Churanatapish mapayachircami. Pai huañunataca mana yuyarircachu. Chaimantami paica cungailla urmarca. Pipish paitaca mana cushichircachu. Shina cashpami paica: “¡Mandac Dioslla, ñuca llaquita ricuiyari! ¡Ñucata piñaccunaca yallita jatun tucushcami!” nicun.

LAMENTACIONES 1:2

Tuta yallita huacacpimi, ñahui quingraita huiqui urmacunlla. Tucui paita cuyaccunamantaca pipish mana cushichinchu. Tucui paipac ricsishcacunaca cunanca piñanmi.

ISAÍAS 51:23

Chai copata canta yallita llaquichiccunapac maquipi churashpaca: “Ñucanchic sarushpa pasangapac cumuri” niccunapac maquipimi churagrini. Shina nicpica, canca ñan allpan shina tucushpa, cambac jahuata pasachunmi saquingui» ninmi.

SALMOS 42:9

Ñuca Diostaca: «Ñuca miticuna jatun rumimi cangui. ¿Imamantatac ñucata cungaringuiyari? ¿Imamantatac piñaccuna llaquichicpi, duelo churanahuan puricushayari?» ninimi.

SALMOS 42:3

Tutapish, punzhapish huacashpami huiquillata micucuni. Punzhantami ñucataca: «¿Maipitac cambac Diosca?» nishpa llaquichincuna.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

JOB 35:9

Runacunallatac huatashca shina charicucpimi caparincuna. Sinchi runacuna llaquichicpimi, caparishpa huacancuna.

ISAÍAS 59:7

Paicunapac chaquicunaca mana allita ruhuangapacllami callpan. Mana faltayuc runata huañuchishpa yahuarta jichangapacllami utca rin. Paicunaca millaita ruhuanallatami yuyacun. Maita rishpapish llaquichishpa tucuchishpallami purin.

MALAQUÍAS 3:18

Chashna ruhuacpimi, cashcata ruhuac-huan, juchayuc-huan chican cashcata, shinallatac Mandac Dios ñucata servic-huan, mana servic-huan chican cashcata yachanguichic» ninmi.

MALAQUÍAS 2:13

Cancunaca mana chaillatachu ruhuarcanguichic. Yallita huacashca huiquihuanmi Mandac Diospac altarta taparcanguichic. Mandac Dios ofrendata cancunapac maquimanta mana chasquishcamantami yallita caparishpa huacarcanguichic.

ECLESIASTÉS 7:7

Llaquichishpa charicpica, yachac runapish yuyai illacmi tucun. Pacalla pagashcaca shungutami pandachin.

PROVERBIOS 28:3

Huaccha runa caishuc huaccha runallatatac shuhuashpaca, yallita tamyashpa shamushpa micuna illacta saquic shinami.

SALMOS 142:4

Ñuca alli ladota chapai ñucata ayudacca pi mana tiyanchu. Ñucata pacacpish, ñuca causaita cuidacpish pi mana tiyanchu.

SALMOS 80:5

Huiquitami micunata shina carashcangui. Huiquitami yacuta shina yallita ubiachishcangui.

SALMOS 69:20

Camishpami ñuca shungutaca yallita llaquichincuna. Urmashpa mana jataripacmi cani. Maijanpish ñucata llaquingapishchari yuyarcanimi. Shina cacpipish mana pi tiyarcachu. Maijanpish ñucata cushichingapishchari nishpami mashcarcani. Shina mashcashpapish mana tarircanichu.

JOB 16:4

Ñuca shina cancuna cacpica, ñucapish cancuna shina imatapish nimanllami. Ñucapish umata cuyuchishpa, cancunata piñachishpa rimaimanllami.

JOB 6:29

Cunanca, alli yuyaita cutin japishpa, ama millaita rimaichicchu. Ñucataca imatapish cashcata ruhuac cashcata cutin yuyaringuichic.

JUECES 4:3

Jatun mandac Jabinca iscun patsac fierro carretatami charirca. Shinallatac ishcai chunga huatatami yallita llaquichirca. Chaimantami israelcunaca Mandac Diosta caparishpa mañarcacuna.

DEUTERONOMIO 28:48

Chaimantami Mandac Dios cancunata piñac gentecunata cachacpi, paicunata servinguichic. Chashnami yarcaihuan yacunayaihuan cashpapish, churana illac cashpapish, tucuilaya illac cashpapish paicunata servinguichic. Paicunaca fierro yugota apachic shinami, tucuchingacaman llaquichinga.

DEUTERONOMIO 28:33

Cancunapac allpapi pucushcatapish, cancuna trabajashcatapish cancuna mana ricsishca gentecunami micunga. Cancunaca punzhanta llaquita servishpallami causanguichic.

ÉXODO 1:22

Shina cacpimi, Faraonca tucui llactapi causaccunata mandashpaca: «Cari huahua huacharicpica, Nilo yacupi shitaichic, cutin huarmi cacpica, saquinguichiclla» nirca.

ÉXODO 1:16

—Ima horas cancuna Israel huarmicunata sajuarichicucpi, cari huahua huacharicpica huañuchinguichic. Cutin huarmi cacpica, saquinguichiclla— nirca.

PROVERBIOS 19:7

Huaccha runataca tucui paipac huauquicunami mana ricunayachin. Paihuan apanacuccunacarin paimantaca caruyancunallami. Pai maijanhuan parlasha nishpapish pita mana taringachu.

ECLESIASTÉS 8:9

Inti achicyachicuc cai pachapica tucui caicunata ruhuashcacunatami tucui shunguhuan ricurcani. Maijan cutinca runaca paipac llaquipacllatacmi caishuc runata llaquichinga.

JEREMÍAS 16:7

Llaquihuan cashpa, cushichina micunatapish pi mana carangachu. Shinallatac taita mama huañushcamanta llaquilla cacpipish, cushichina ubianata pi mana cungachu.

LAMENTACIONES 1:16

Chaimantami ñucaca huacacuni. Ñuca shunguta causachic shina, cushichicca pipish mana tiyanchu. Chaimantami ñuca ñahuitaca huiqui tapashcalla. Ñucata piñaccuna, ñucata atishcamantami ñuca huahuacunapish shitashca saquirirca.

JOB 9:24

Cai pachataca paita mana manchaccunapac maquipimi churashca. Paica juezcunapac ñahuitapish tapanmi. Mana pai ruhuacpica, ¿pitac ruhuangayari?

SALMOS 69:21

Micunata cunapac randica jayac hieltami curcacuna. Yacunayachicpica, vinagretami ubiachirca.

SALMOS 142:5

Chaimantami Mandac Dios canta mañashpaca: «Canmi ñuca shungu churanaca cangui. Canllami cai pachapica ñuca japina cangui» nircani.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

LAMENTACIONES 1:17

Ayudachun maquita chutacucpipish, Sionpi causaccunataca pi mana cushichinchu. Mandac Diosmi piñaccuna Jacobota muyunacushpa llaquichichun mandarca. Jerusalenpi causaccunaca yallita mapayashpa tucuipac millanami tucurca.

AMÓS 3:9

Asdod llactapi, Egipto llactapi mandashpa tiyana huasicunapipish huillashpaca: «¡Samaria urcupi tandanacushpa, chai llacta llaqui tucushcata, chaipi causaccuna llaquilla causacushcata ricuichicyari!» nichic ninmi.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.