ECLESIASTÉS 3:6 - Dios Rimashcata Quillcashcami

⁶ Mashcangapacpish, chingachingapacpish punzha tiyanmi. Huacaichingapacpish, shitangapacpish punzha tiyanmi.

ECLESIASTÉS 3:6 Referans Kwoze

HECHOS 27:19

Ña quimsa punzhata chashnallatac cacpimi, barcopi ima tiyashcacunatapish paicunallatac yacupi shitarca.

HECHOS 27:38

Ña mana nicta micushpaca, barco pangalla tucuchunmi trigota yacuman shitarcacuna.

SAN MATEO 19:29

Maijanpish ñucata catingaraicu huasita, huauquicunata, panicunata, taita mamata, huarmita, huahuacunata, allpata saquicca, chaicunamanta patsac yallihuanmi japinga. Huiñai causaitapish japingami.

ECLESIASTÉS 11:1

Cambac tandata yacupi cachai. Achca punzhacuna quipami cutin japingui.

SALMOS 112:9

Pai charishcacunataca huacchacunamanmi chaupishpa cun. Cashcata ruhuanataca manatac saquinchu. Paica tucuipac ricsishca jatun nishcami canga.

2 REYES 5:26

Shina nicpi, Eliseoca: —Carretamanta uricushpa, chai runa tupangapac shamucpica, ñuca shunguca ¿Manachu canhuan carca? ¿Cullquita, churanacunata, olivos chagracunata, uvas chagracunata, ovejacunata, huagracunata, servic caricunata, servic huarmicunata japina punzhami yuyanguichu?

JONÁS 1:5

Chaimantami barcota purichiccunaca yallita mancharishpa, paicunapac diosta caparishpa, mañarca. Shinallatac barco pangalla tucuchunmi, cargacunataca yacupi shitarca. Ashtahuanpish Jonasca chai barco ucuman yaicushpami, yallita sueñucurca.

ISAÍAS 2:20

Chai punzhapimi runacunaca paicunallatac adorangapac cullquimanta, curimanta ruhuashca dioscunataca ucuchacuna, mashucuna causachun shitanga.

2 REYES 8:9

Shina nicpimi, Hazaelca Damasco pueblopi ashtahuan alli tiyashcata chuscu chunga camellocunapi cargashpa, Eliseota tupangapac rirca. Ña chaiman chayashpa, paipac ñaupapi shayarishpaca: —Siria llactata jatun mandacca cambac churi shina Ben-hadadmi: “¿Cai ungüimantaca alliyashachu?” nishpa, tapuchun cachan— nirca.

2 REYES 7:15

Paicunaca Jordán yacu ladocaman rishpami, siriocuna manchaihuan callpashpa, churanacunata, ima charishcacunata ñan jundata shitashpa rishcata ricurca. Chaimantaca jatun mandacman huillangapacmi cutircacuna.

GÉNESIS 31:18

paipac taita Isaac causana Canaán llactaman cutingapac, Padan-aram llactapi mirachishca animalcunatapish, servishcamanta paiman cushca animalcunatapish ñanpi churarca.

ECLESIASTÉS 3:5

Rumicunata shic-huangapacpish, montonangapacpish punzha tiyanmi. Ucllangapacpish, mana ucllangapacpish punzha tiyanmi.

ECLESIASTÉS 3:7

Lliquingapacpish, sirangapacpish punzha tiyanmi. Upallangapacpish, rimaringapacpish punzha tiyanmi.