ECLESIASTÉS 3:14 - Dios Rimashcata Quillcashcami

¹⁴ Tucuita Dios ruhuashcaca huiñaipac cashcatami yachani. Pai ruhuashcacunataca imata mana yapachina, imata mana anchuchinachu. Diosca, gentecuna paipac ñaupapi manchachunmi ruhuashca.

ECLESIASTÉS 3:14 Referans Kwoze

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

SALMOS 33:11

Ashtahuanpish Mandac Dios imata ruhuasha nishcaca huiñaipacmi can. Paipac shungupi imata yuyarishcataca huahua huahuacunami pactachicungalla.

ROMANOS 11:36

Chaica, tucui imapish Diosmantami tiyan. Tucui imapish paipacmi. ¡Chaimanta Diostaca huiñai huiñaita alli nishca cachun! Chashna cachun.

HECHOS 5:39

Ashtahuanpish paicuna yachachishca Diosmanta cacpica, mana jarcai pudinguichicchu. Pacta Diospac munaita jarcashun nicunguichicman— nirca.

PROVERBIOS 30:6

Dios rimashcata ama yapachinguichu. Pacta canta rimanman. Pacta canllatac llullac llucshinguiman.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

EFESIOS 3:11

Chashnami Diosca ñaupamanta pacha pai imata ruhuasha nicushcata pactachirca. Chashna tucuchunmi, Apunchic Jesucristota cacharca.

HECHOS 4:28

Chashnami can ñaupaman alli yachashpa, chashna tucuchun nishcata pactachirca.

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

ECLESIASTÉS 7:18

Caita chariranaca allimi. Caishuctapish cambac maquimantaca, ama cacharinguichu. Diosta manchac runaca tucuipimi alli llucshinga.

ECLESIASTÉS 5:7

Chaica, muscuc shina imatapish yuyacucpica, yanga yuyaicunapish, yanga rimaicunapish llucshinmi. Ashtahuanpish canca Diosta manchai.

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

SALMOS 64:9

Chashna ruhuacpimi, tucui gentecuna manchashpa Dios ima ruhuashcata huillangacuna. Shina huillacpimi, pai ruhuashcataca entendingacuna.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

DANIEL 8:8

Shinami chai cari chivoca yallita sinchiyashpa, jatun tucushpa catirca. Chashna yallita sinchiyashpa, jatunyacucpimi, chai jatun gachuca paquirirca. Chashna paquiricpica, chai gachupac randica chuscu jatun gachumi cai pacha chuscu ladoman huiñarca.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

2 SAMUEL 22:31

Mandac Diospac ñanca jucha illacmi. Mandac Dios rimashcaca, pipish mana juchanchipacmi. Paipi shunguta churaccunapacca jarcarina escudomi.

ECLESIASTÉS 5:6

Cambac shimillatac juchata ruhuachichunca ama saquinguichu. Diosmanta huillacpac ñaupapipish mana yachaimantami chashna ruhuashcani ama ninguichu. ¿Cambac rimashcahuan Diosta piñachicpi, pai piñarishpa can ruhuashcata tucui tucuchichunchu munangui?