ECLESIASTÉS 3:11 - Dios Rimashcata Quillcashcami

¹¹ Diosca tucui imatapish ruhuana punzhallapitacmi sumacta ruhuashca. Shinallatac cai pachapi causaccunapac shungupica huiñaita causachunmi churarca. Shina cacpipish, gentecunaca callarimanta tucuricaman Dios imata ruhuashcataca mana entendinchu.

ECLESIASTÉS 3:11 Referans Kwoze

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

JOB 11:7

¿Canca Diospac pacashca yuyaicunataca yachai pudinguichu? ¿Tucuita ruhuac Dios ima shina cashcataca entendinguichu?

ECLESIASTÉS 8:17

Dios tucuita ruhuashcatami ricurcani. Inti achicyachicuc cai pachapi imata ruhuashcataca runaca mana yachai pudinchu. Runaca cai ruhuashcata alli yachacusha nicushpapish manatac entendi pudingachu. Yuyaisapa runa alli yachanimi nicushpapish, paipac yachashcahuanca mana entendi pudingachu.

JOB 5:9

Paica pipish mana ruhuaipac mancharinacunata, shinallatac mana yupaipac sumaimanacunatami ruhuan.

GÉNESIS 1:31

Diosca tucui pai ruhuashcacunataca mai alli cashcatami ricurca. Chashnami chishiyashpa, suctaniqui punzha tucurca.

MARCOS 7:37

Chashna parlacpica, tucui gentecunami mancharishpami: “Paica allita ruhuan. Ringri mana uyaccunatapish uyachin, mana rimaccunatapish rimachinmi” nircacuna.

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

SALMOS 104:24

¡Mandac Dioslla, can ruhuashcacunaca mana yupaipacmi! Tucui chaicunataca allita yachac cashcamantami ruhuarcangui. Cai pachapica can ruhuashcacunami jundan.

ECLESIASTÉS 7:29

Riqui, ñucaca caillatami tarircani. Diosca runataca allitami ruhuashca. Ashtahuanpish paillatacmi mana allita yuyarishca ninmi.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

SAN MATEO 13:22

Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

PROVERBIOS 16:4

Mandac Diosca shuc yuyaihuanmi tucuita ruhuashca. Diosta mana manchac runatapish llaquichina punzhapi llaquichingapacmi ruhuashca.

ECLESIASTÉS 1:13

Ñucaca cai pachapi imata ruhuashcata allita entendingapacca tucui yuyaihuan callarishpami ricurcani. Dios cai pachapi causaccunaman cushca ruhuanacunaca yallita sinchimi.

ECLESIASTÉS 7:13

Dios ruhuashcata ricushpa yuyari. Pai huishtuta ruhuashcataca, ¿pitac derechai pudinga?

ECLESIASTÉS 7:23

Tucui chaicunatami alli yuyaihuan allita ricurcani. Ñucaca: «Alli yachacmi tucusha» nircanimi. Shina cacpipish, alli yachaica ñucamanta caruyarcami.

ECLESIASTÉS 11:5

Huarmipac huicsapi tiyacuc huahuapac tulluman huaira yaicuctapish, maita yaicuctapish mana yachanguichu. Chashnallatacmi tucuita ruhuac Dios tucui caicunata ima shina ruhuashcataca mana yachangui.