ECLESIASTÉS 2:15 - Dios Rimashcata Quillcashcami

¹⁵ Chaimantami ñuca shungupica: «Mana entendic runa ima shinami tucugrin, shinallatacmi ñucapish tucusha. Shina cashpaca, ¿imapactac ashtahuan yachacurcani?» nircani. Chaita yuyarishpami ñuca shungupica: «Caicunapish yangallami» nircani.

ECLESIASTÉS 2:15 Referans Kwoze

ECLESIASTÉS 6:8

¿Alli yachac runaca mana entendic runata yallichu? Cai pacha causaccunapurapi alli allita causac huaccha runaca, ¿imapactac valin?

ECLESIASTÉS 1:14

Cai pachapi causaccuna imata ruhuashcataca tucuimi ricurcani. Riqui chaicunaca yangallami. Chaicunaca huairata caticuc shinallami.

ECLESIASTÉS 2:16

Yachac runapish, mana entendic runapish huañungallatacmi. Yachac runatapish, mana entendic runatapish asha huatacuna quipaca pi mana yuyaringachu.

ECLESIASTÉS 1:18

Chaica, yallita yachac cacpica, uma nanaimi shamun. Maijanpish ashtahuan yachacushpaca, llaquitami mirachin.

ECLESIASTÉS 1:16

Chaimantami ñuca shungupica: «Jerusalenpi ñaupa causac tucui mandaccunata yalli yachac, shinallatac tucuipac jatunyachishcami cani. Ñucaca achcata yachac alli yuyaiyucmi cani» nircani.

ECLESIASTÉS 1:2

«Tucui imapish yangallami. Ima cashpapish tucuimi yangallata» nirca.

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

ECLESIASTÉS 6:11

Yallita rimarishpaca, imapish yanga rimaicunatami ashtahuan riman. Chaica runamanca imapac mana valinchu.