ECLESIASTÉS 2:11 - Dios Rimashcata Quillcashcami

¹¹ Chashna cushicushca quipami achca shaicuihuan ñuca maqui imallata ruhuashcacuna imapac cashcata alli yuyarircani. Chashna yuyarishpami tucui chaicunaca yangalla cashcata, shinallatac huairata caticushca shina cashcata yacharcani. Chashna cashcamantaca inti achicyachicuc cai pachapica imapish yangallami.

ECLESIASTÉS 2:11 Referans Kwoze

ECLESIASTÉS 1:14

Cai pachapi causaccuna imata ruhuashcataca tucuimi ricurcani. Riqui chaicunaca yangallami. Chaicunaca huairata caticuc shinallami.

ECLESIASTÉS 1:3

Inti achicyachicuc cai pachapi causaccunaca mana samarishpa, imatapish sinchita trabajashpaca ¿ima allitatac japincuna?

1 TIMOTEO 6:6

Maijanpish ima charishcallahuan cushi causashpaca, pai crishcamantaca yallita charishca shinami can.

ÉXODO 39:43

Mandac Dios mandashca shinallatac ruhuashcatami Moisesca ricurca. Chaita ricushpami bendiciarca.

GÉNESIS 1:31

Diosca tucui pai ruhuashcacunataca mai alli cashcatami ricurca. Chashnami chishiyashpa, suctaniqui punzha tucurca.

HABACUC 2:13

¿Manachu tucuita Mandac Diosca gentecuna imata ruhuashcataca ninapi rupachic shina tucuchinga? Llactacunapi causaccuna imata ruhuashpaca yangami shaicunga.

SALMOS 89:47

Ñuca causaica llandu shinalla cashcataca yuyaringuiyari. ¿Imapactac aichayuc runapac huahuacunataca ruhuarcanguiyari?

ECLESIASTÉS 1:17

Tucui shunguhuanmi allita yachanatapish, allita entendinatapish, yuyai illac canatapish, imapish yangata ruhuac canatapish utca yachacurcani. Tucui chai yachashcacunaca, yuyaita yanga shaicuc shinalla cashcatami ricurcani.

ECLESIASTÉS 3:9

Yallita shaicushpa trabajashcamantaca ¿imatatac japin?

ECLESIASTÉS 5:10

Cullquita munac runaca mashnata charishpapish mana cushicunchu. Ima charishcacunata munacca, chai charishcamanta ima allita mana japinchu. Chaipish yangallami.

ECLESIASTÉS 5:16

Caipish jatun mana allimi. Chaica cai pachaman ima shina shamushca shinallatac tigran. ¿Chashna yanga huaira aparichun trabajanaca imapactac alli?