ECLESIASTÉS 10:19 - Dios Rimashcata Quillcashcami

¹⁹ Cushicungapacmi jatun micuitaca ruhuana. Vinopish cushilla cangapacmi can. Cullquica tucuita ruhuashpa cushicungapacmi can.

ECLESIASTÉS 10:19 Referans Kwoze

SALMOS 104:15

Gentecunata cushichic vinopish, ñahuita sumacyachic aceitepish, micuna granopish canmantami tiyan.

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.

SAN LUCAS 12:19

Chashna huacaichishpaca ñuca shungutaca: ‘Tauca huatapacmi charisha. Cunanca cushicushpa, micushpa, ubiashpa samarishami’ nishami” nicurca.

ISAÍAS 24:11

Ñancunapica vino illashcamantami huacashpa purincuna. Tucui cushicuimi tucurishca. Cuchicunaca cai pachapimi chingarishca.

SALMOS 112:9

Pai charishcacunataca huacchacunamanmi chaupishpa cun. Cashcata ruhuanataca manatac saquinchu. Paica tucuipac ricsishca jatun nishcami canga.

HECHOS 11:29

Chashna huillacpimi, Antioquía pueblo criccunaca paicuna imallata cui pudishcata Judea llacta criccunaman cuchun cachanata yuyarirca.

HECHOS 2:45

Paicunapac allpatapish, ima charishcacunatapish catushpami, mana chariccunaman caishuc chaishucman cuc carca.

SAN LUCAS 16:9

Ñucaca ninimi: Cai pachapi charishcacuna tucuricpi, jahua pachapi huiñaita chasquichun, cai pachapaclla charishcacunata shuccunaman cushpa, paicunahuan alli caichic.

SAN LUCAS 8:3

Herodespac mayordomo Chuzapac huarmi Juanapishmi carca. Shinallatac Susanapish, shuctac huarmicunapishmi carca. Paicunami imalla charishcacunahuan Jesusta ayudaccunami carca.

SAN MATEO 19:21

Chashna nicpimi Jesusca: —Diospac ñaupapi alli canata munashpaca, tucui charishcacunata catushpa, huacchacunaman cugri. Chashna ruhuashpami, jahua pachapica achcata charingui. Chashna ruhuashpaca, ñucata catilla— nirca.

SAN MATEO 17:27

Ashtahuanpish impuestota japiccunata mana piñachingapacca, cuchaman ri. Chaiman chayashpaca, anzuelota shitangui. Punta japishca challua shimipimi cullquita taringui. Chaita canmantapish, ñucamantapish impuestota cungui— nirca.

ISAÍAS 23:18

Shina cashpapish, paicuna catushpa, randishpa tucui japishcaca Mandac Diospaclla chicanyachishcami canga. Paicuna catushpa, randishpa charishcacunataca mana huacaichingachu. Mana mirachingacunachu. Ashtahuanpish chaicunaca Mandac Diospac ñaupapi allita ruhuashpa causaccunapacmi canga. Chai allita ruhuaccuna alli micuchun, alli churarichunmi canga.

NEHEMÍAS 5:8

tandachishpaca: —Ñucanchicca, ñucanchic pudishcahuanmi Judá llactapi causac cancunapac huauquicunata, shuctac llacta millai gentecunaman catushcataca cutin randishpa cutichimushcanchic. ¡Shina cacpipish, cancunaca ñucanchicllatac cutin randichunmi cancunapac huauquicunataca cutin catucunguichic!— nircani. Chashna nicpi, paicuna upalla saquiricpimi,

ESDRAS 1:6

Cuchullapi causaccunapish cullquimanta, curimanta ruhuashca imallacunatapish, imalla charishcacunatapish, animalcunatapish, sumac charishcacunatapish, shinallatac quiquin munaihuan cuna ofrendacunatapish cushpami ayudarca.

1 CRÓNICAS 21:24

Shina nicpimi, jatun mandac Davidca Ornantaca: —Mana, ashtahuanpish mashna valishcapimi randisha. Mandac Diosman cungapacca cambac cashcata mana yanga japishachu. Shinallatac yanga japishca animaltaca mana Diosman cushpa, rupachishachu— nirca.

2 SAMUEL 13:28

Ña utcamanmi Absalonca paita serviccunataca: «Amnón vinota ubiashpa yallita cushilla tiyacucpi, ñuca señata ruhuashpa: “¡Amnonta chugrichichic!” nicpica huañuchinguichiclla. Ñucami mandani. Chaimanta ama manchashpa sinchi sinchi caichic» nishcami carca.

1 SAMUEL 25:36

Shina nicpimi, Abigaíl huarmica Nabalpacman cutirca. Huasipica Nabalca jatun mandaccuna micuna shina jatun micuitami ruhuashca carca. Paipac shungupica yallita cushilla cashpami, yallita machashca carca. Shina cacpimi, Abigaíl huarmica cayandi punzhacaman imata mana huillarca.

JUECES 9:13

Shina nicpimi, uvas yuraca: “¿Ñucaca cancunata mandac tucungaraicullachu Diostapish, runacunatapish cushichic llullu vino llucshina uvas pucunata saquisha?” nirca.

GÉNESIS 43:34

Joseca paipac platomanta micunata japishpami, paicunaman curca. Shina cushpapish, Benjaminmanca caishuc huauquicunamanta pichca cutin yallihuanmi curca. Chashnami Josehuan micushpa, ubiashpa cushicurca.

ECLESIASTÉS 9:7

Can imata ruhuashcacunamantaca Diosca cushicushcami. Cunanca cushicushpa cambac micunata micugrilla, cushi shunguhuan vinotapish ubiagrilla.

ECLESIASTÉS 2:3

Ñuca yuyaipi allita entendishpapish ñuca cuerpotaca vinota ubiashpami cushichisha nircani. Chashnami huañuclla runa causacuc tucui punzhacunapi paiman ima alli cashcata, imata ruhuana cashcata yachanata munarcani.

JUECES 14:10

Sansonpac taitaca chai solterata ricugrircami. Chai quipaca Sansonca mosocuna ruhuac shinallatacmi paipish jatun micuita ruhuarca.

ESTER 1:10

Ña canchis punzha tucucpimi, jatun mandac Asueroca vinota ubiashpa, shungupi yallita cushicuihuan cashpa, paipac ñaupapi servishpa causac eunuco runacunataca: Mehumanta, Biztata, Harbanata, Bigtata, Abagtata, Zetarta shinallatac Carcasta cayarca.