DEUTERONOMIO 9:10 - Dios Rimashcata Quillcashcami

¹⁰ Chaipimi Mandac Diosca paipac dedohuan quillcashca ishcai tabla rumita curca. Chaipica Mandac Dios urcupi, nina rupacuc chaupimanta rimashcata quillcashcami carca. Chai punzhapica cancunapish tandanacushpami chaipi carcanguichic.

DEUTERONOMIO 9:10 Referans Kwoze

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

HEBREOS 8:10

Quipa punzhacunapi israelcunahuan ari ninacushpaca, ñuca mandashcacunataca paicunapac yuyaipimi churasha. Paicunapac shungupimi, quillcashca shina churasha. Ñucaca paicunapac Diosmi casha, paicunaca ñuca huahuacunami canga.

DEUTERONOMIO 18:16

Mandac Diosca cancuna Horeb urcupi paita mañashpa: “Mandac Dios rimashcata mana uyasha ninchicchu. Cai jatun ninatapish mana ashtahuan ricusha ninchicchu, huañushunmi” nishca shinami ruhuanga. Chaipica tucui gentecunami tandanacushca carca.

DEUTERONOMIO 10:4

Puntapi quillcashca shinallatacmi chai ishcai tabla rumipi cancuna tandanacushca cacpi, nina rupacuc urcu chaupimanta rimashca chunga mandashcacunata quillcarca. Mandac Diosca chaitaca ñucamanmi curca.

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

SAN LUCAS 11:20

Ashtahuanpish ñucaca Diospac poderhuanmi supaicunata llucchishpa cachani. Chashna ruhuashpaca, cancunapurapi Dios mandai callarishcatami ricuchicuni.

SAN MATEO 12:28

Ñucaca Diospac Espirituhuanmi supaicunataca llucchishpa cachani. Chashna ruhuashpami, cancunapurapi Dios mandacushcata ricuchicuni.