DEUTERONOMIO 8:6 - Dios Rimashcata Quillcashcami

⁶ Mandac Dios mandashcata cazushpa, pai munashca shina paipac ñaupapi, paita manchanguichic.

DEUTERONOMIO 8:6 Referans Kwoze

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

SALMOS 128:1

Mandac Diosta manchashpa, pai munashca shina causaccunaca tucuimi cushicuncuna.

2 CRÓNICAS 6:31

Can shina ruhuacpimi, ñucanchic ñaupa taitacunaman can cushca llactapi causacushpaca, tucui causai punzhacunapi canta manchashpa, can yachachishcacunata cazushpa causangacuna.

1 SAMUEL 12:24

Mandac Diosllatac manchashpa, tucui shunguhuan servishpa causaichic. Cancunamanca Mandac Diosca achca allicunata ruhuashcataca allitami yuyarina canguichic.

ÉXODO 18:20

Dios mandashcacunatapish, pai yachachishcacunatapish yachachishpa, ima shina causanata shinallatac imata ruhuanata yachachi.

DEUTERONOMIO 8:5

Shuc taita paipac huahuata cunac shina, canta Mandac Dios cunac cashcataca yuyaringuichic.

DEUTERONOMIO 8:7

Mandac Diosca sumac yacu caita chaita callpacuc, allpa ucutapish yacu callpacuc, pambacunapish, urcucunapish yacu llucshicuc llactatami cancunamanca cunga.

DEUTERONOMIO 5:29

¡Paicunaca shungumanta manchashpa, tucui punzhacuna tucui ñuca mandashcacunata cazushpa causashpami alli canman! Shina ruhuashpami, paicunapish, paicunapac huahuacunapish tucui causaipi alli canga.