DEUTERONOMIO 8:16 - Dios Rimashcata Quillcashcami

¹⁶ Shinallatac cancunapac taitacuna mana ricsishca maná shuti micunatami cararca. Cancuna ima shina cashcata ricungapac, cancunapac allipacllatami llaquichirca.

DEUTERONOMIO 8:16 Referans Kwoze

DEUTERONOMIO 8:3

Paica chai pambapica yarcaihuanmi llaquichirca. Chaipimi cancunapish, cancunapac taitacunapish jaicapi mana ricsishca maná shuti micunata cararca. Chaitaca runacunaca mana micunallahuan, ashtahuanpish Mandac Diospac rimashca shimicunahuan causana cashcata ricuchingapacmi ruhuarca.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

ÉXODO 16:15

Israelcuna chaita ricushpa, caishuc chaishuc tapunacushpaca: —¿Imatac caica?— nircacuna. Paicunaca mana yachashcamantami chashna tapunacurca. Chaimantami Moisesca: —Caica, cancuna micuchun, Mandac Dios cushca micunami.

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

GÉNESIS 22:1

Chai quipaca, Diosca Abraham crishcata ricungapac cayashpaca: —Abraham— nirca. Shina cayacpimi Abrahamca: —Caipimi cani— nirca.

ÉXODO 15:25

Chaimantami Moisesca Mandac Diosta caparishpa mañarca. Shina mañacpica, Mandac Diosca shuc yuratami ricuchirca. Moisés chai yurata yacupi shitacpica, yacuca mishquiyarcami. Chaipimi Mandac Diosca pai mandashcacunatapish, quillcashcacunatapish curca. Shinallatac cazucta, mana cazuctapish ricurcami.

ÉXODO 16:4

Shina nicpimi, Mandac Diosca Moisestaca: —Israelcuna ñuca mandashcata cazushcata, mana cazushcata ricungapacca, jahua pachamantami tandata tamyachigrini. Paicunaca punzhantami micuna pactallata pallana can.

ÉXODO 16:31

Chai tandataca israelcunaca maná nishpami shutichirca. Chaica culantro muyu shina, yuracmi carca. Shinallatac abeja mishquita churashca galleta shina mishquimi carca.

DEUTERONOMIO 8:2

Mandac Dios chuscu chunga huatata shitashca pambata apamushcata yuyaringuichic. Chaitaca cancuna imata yuyac cashcata, mandashcata cazucta, mana cazuc cashcata ricungapacmi ruhuarca.

DEUTERONOMIO 13:3

Shina nicpipish, ama chai huillac nishcata, chai muscuc muscushcata uyanguichicchu. Ashtahuanpish Mandac Diosmi paita tucui shunguhuan, tucui almahuan cuyac cashcata ricungapac chaita ruhuachinga.

2 CRÓNICAS 32:31

Ashtahuanpish Judá llactapica ima jatun llaquicunata, jatun mancharinacunata ruhuashcata yachachunmi, Babilonia llactata mandaccunaca maijan tapuccunata cacharcacuna. Mandac Diosca Ezequías paipac shungupi ima shina yuyashcata yachangapacmi, chai tapuccuna shamucpica, paimanta anchurirca.

SALMOS 119:68

Canca allimi cangui. Imatapish allitami ruhuangui. Can mandashcacunataca yachachiyari.

DANIEL 11:35

Shinallatac maijan allita yachaccunapish Dios acllashca punzha tucuringacaman mapa illac chuyayachishpa yuranlla cangapacmi huañunga. Chaipacca achca punzhacuna faltanracmi.

ÉXODO 20:20

Shina nicpimi Moisesca: —Ama manchaichicchu. Diosca cancuna paita manchac cashcata ricungapacmi shamurca. Paica cancuna punzhanta paita manchashpa, ama juchallichunmi munan— nirca.

JOB 42:12

Mandac Diosca Jobpac tucuri punzhacunapica punta bendiciashcata yallimi Jobmanca bendiciarca. Chaimantami paica chunga chuscu huaranga ovejata, sucta huaranga camellota, huaranga yunta huagrata, huaranga burrota charirca.

PROVERBIOS 17:3

Cullquitapish, curitapish hornopi rupachishpami alli cashcata ricuna. Ashtahuanpish runapac shungutaca Mandac Diosmi ricucun.