DEUTERONOMIO 7:12 - Dios Rimashcata Quillcashcami

¹² Cancuna cai mandashcacunata yuyarashpa cazucpimi, Mandac Diosca cuyashpa, cancunapac taitacunahuan ari nishcataca pactachinga.

DEUTERONOMIO 7:12 Referans Kwoze

DEUTERONOMIO 7:9

Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

SAN LUCAS 1:55

Chashna llaquingapacmi taita Abrahamhuanpish, paipac huahua huahuacunahuanpish huiñaicaman ari nishca» nirca.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

DEUTERONOMIO 7:11

Chaimanta mandashcacunatapish, pactachinacunatapish, yachachishcacunatapish yuyarashpa cazunguichic.

DEUTERONOMIO 11:13

Cunan ñuca yachachishca cazushpa, Mandac Diosta tucui shunguhuan, tucui almahuan servishpa, paita cuyacpica,

SALMOS 149:9

Paicunata llaquichingapac quillcashca pactachun chashna llaquichichic. Chaimi paipaclla causaccunapacca mai cushicuna canga. ¡Mandac Diostaca alabaichicyari!

JEREMÍAS 11:5

Cunan punzhapi nishca shinallatacmi cancunapac ñaupa taitacunaman lechepish, mishquipish yacu shina callpacuc llactata cusha nishpa, ari nircani. Chaitaca pactachishatacmi nircani” ninmi ningui» nirca. Shina nicpimi ñucaca: «¡Mandac Dioslla, chashna cachun!» nircani.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.

DEUTERONOMIO 5:10

Ashtahuanpish ñucata cuyashpa, ñuca mandashcacunata cazuccunataca huaranga huahua huahuacaman cuyacmi cani.

1 REYES 8:23

«Israelcunata Mandac Dioslla, can Dios shinaca jahua pachapipish, cai pachapipish mana tiyanchu. Canta tucui shunguhuan cazushpa, cambac ñaupapi alli puric canta serviccunata llaquishpami, imata ari nishcatapish pactachingui.

NEHEMÍAS 1:5

Ñuca mañashpaca: «Jahua pachapi causac Dioslla, canca jatun poderta charic manchana Diosmi cangui. Can mandashcacunata cazucmanca can ari nishcatapish pactachic, llaquic Diosmi cangui.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

SALMOS 103:18

Chaica paihuan ari nishcata pactachiccunahuan, pai mandashcacunata pactachishpa causaccunahuanmi chashnaca ruhuanga.

DANIEL 9:4

Ñucata Mandac Diosta mañashpami, paiman juchacunata huillashpaca: “¡Mandac Dioslla, canca manchana jatun Diosmi cangui! Canta cuyaccunahuan, can mandashcacunata pactachiccunahuan ari nishcata pactachicmi cangui.