DEUTERONOMIO 5:16 - Dios Rimashcata Quillcashcami

¹⁶ Mandac Dios ñuca cushca llactapi unaita causangapac, chaipi alli causangapacca canta Mandac Dios ñuca mandashca shina cambac taita mamata cuyangui.

DEUTERONOMIO 5:16 Referans Kwoze

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

COLOSENSES 3:20

Huahuacunapish, cancunapac taita mama tucui ima nishcata cazuichic. Chashna cazuchunmi, Apunchic Jesusca munan.

DEUTERONOMIO 27:16

Cutin: “¡Taita mamata mana ricunayachicca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

SAN LUCAS 18:20

Dios mandashcacunata yachanguimi. Chaipica: “Ama huainayangui, ama huañuchingui, ama shuhuangui, ama llullangui, shinallatac taita mamata cuyangui” nicunmi— nirca.

LEVÍTICO 19:3

Cancunapac taita mamata cazunguichic. Samana punzhatapish huacaichinguichic. Ñucami cancunata Mandac Diosca cani.

MARCOS 10:19

Mandashcacunataca canllatac yachanguimi. Chaipica: “Ama huainayangui, ama huañuchingui, ama shuhuangui, ama llullangui, ama umangui, cambac taita mamata cuyangui” nicunmi— nirca.

MARCOS 7:10

Moisés yachachishpaca: “Taita mamata cuyangui. Maijanpish taita mamata mana alli nicca, huañunami canga” nishcami.

SAN MATEO 19:19

taita mamata cuyangui. Can ima shinami cuyaringui, chashnallatac shuccunatapish cuyangui— nirca.

DEUTERONOMIO 5:29

¡Paicunaca shungumanta manchashpa, tucui punzhacuna tucui ñuca mandashcacunata cazushpa causashpami alli canman! Shina ruhuashpami, paicunapish, paicunapac huahuacunapish tucui causaipi alli canga.

DEUTERONOMIO 11:9

Mandac Dios cancunapac taitacunamanpish, quipa huiñaicunamanpish cushami nishca lechepish, mishquipish callpacuc llactapi unaita causangapacca tucui mandashcacunatami pactachina canguichic.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

DEUTERONOMIO 6:2

Canpish, cambac huahuacunapish, nietocunapish canta Mandac Diosta manchachunmi yachachini. Unaita causangapacca tucui punzhacunami cai mandashcacunata yuyarashpa, cazuna canguichic.

PROVERBIOS 3:1

Ñuca huahualla, ñuca yachachishcacunata amatac cungaringuichu. Ñuca mandashcacunataca cambac shungupi huacaichingui.