DEUTERONOMIO 3:11 - Dios Rimashcata Quillcashcami

¹¹ Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.

DEUTERONOMIO 3:11 Referans Kwoze

GÉNESIS 14:5

Chunga chuscu huatapica jatun mandac Quedarlaomerca paihuan apanacuc jatun mandaccunahuan shamushpami, Astarot Karnaiam llactapi causac refaitacunatapish, Ham llactapi causac zuzitacunatapish, Save-quiriataim pueblopi causac emitacunatapish,

JEREMÍAS 49:2

Chaimantami amonitacunapac Rabá llactapica jatun macanacuipi caparinacuita uyana punzhacuna chayamun. Chai puebloca tucui urmachishpa, rumi montonllami saquiringa. Chaipi tiyac caishuc llactacunapish rupachishcami canga. Chai punzhacunami israelcunaca paicunamanta quichushca pueblocunata cutin japinga. Chaitaca Mandac Dios ñucami nini.

2 SAMUEL 12:26

Joabca Rabá pueblopi causac amonitacunahuan macanacushpami, jatun mandac causana pueblota quichurca.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

AMÓS 1:14

Chaimantami Rabá llacta muyundi pircapica ninata churasha. Chai ninami jatun macanacui punzhapi, acapana huaira punzhapi mandashpa tiyana huasicunatapish tucui rupachinga.

EZEQUIEL 21:20

Shuc ñanca amonitacuna causacuc Rabá llactaman, shuc ñanca Judá llactapi tiyac muyundi pircashca Jerusalenman, espada rinami canga.

2 SAMUEL 11:1

Chai quipa huatami tucui jatun mandaccuna macanacuiman llucshina punzha chayacpi, Davidca Joabta paita serviccunahuan, tucui israelcunahuan Amón llactapi macanacuchun cacharca. Shina cachacpimi, Amón llacta gentecunata tucuchishpa, Rabá pueblota japingapac chai pueblo muyundita shayarirca. Shina cacpipish, Davidca Jerusalenpimi saquirirca.

1 SAMUEL 17:4

Chashna cacpimi, filisteopuramanta Gat pueblopi causac macanacunata alli yachac Goliat llucshirca. Paica quimsa metro yalli altomi carca.

DEUTERONOMIO 2:20

(Chai llactapi causaccunatapish manchana jatun gentecuna nishcami carca. Chaipimi ñaupaca manchana jatun gentecuna causac carca. Amonitacunataca zomzomeocuna nishpami cayac carca.

DEUTERONOMIO 2:11

Chaimantami paicunataca Anacpac churicuna shina manchana jatun gentecuna niccuna carca. Ashtahuanpish moabitacunaca emitacuna nishpami cayac carca.

APOCALIPSIS 21:17

Shinallatac muyundi jarcashcata medishpaca, gentecuna medishca shinallatacmi sucta chunga pichca metrota llucchirca.

JOSUÉ 12:4

Basán llactataca jatun mandac Ogca refaitacunapuramanta saquirishcami carca. Paica Astarot, Edrei pueblocunapimi causarca.

JOSUÉ 13:12

Jatun mandac Og mandacuc Basán llactatapish curcami. Chai jatun mandacca Astarot, Edrei pueblotami mandac carca. Paica refaitapuramanta saquirishcami carca. Paicunatami Moisesca atishpa llucchishpa cacharca.

EZEQUIEL 25:5

Rabá llactataca camellocuna michina pambata, Amón llacta pueblocunataca ovejacuna michina pambatami ruhuanga. Shina ruhuacpimi, ñucaca Mandac Dios cashcata yachanguichic.

GÉNESIS 6:15

Chai huambuc huasitaca sunimanca patsac quimsa chunga pichca metro, anchomanca ishcai chunga ishcai metro chaupi, altomanca chunga quimsa metro chaupita ruhuangui.