DEUTERONOMIO 27:1 - Dios Rimashcata Quillcashcami

¹ Moisespish, israelcunata pushac yuyaccunapish israelcunata rimashpaca: «Cunan ñuca huillashca mandashcacunata pactachinguichic.

DEUTERONOMIO 27:1 Referans Kwoze

SAN JUAN 15:14

Cancuna ñuca mandashcacunata pactachishpaca, ñuca amigocunami canguichic.

SANTIAGO 2:10

Maijanpish tucui mandashcacunata pactachicushpa, shuc mandashcallata mana pactachishpaca, tucui mandashcata mana pactachishca shinallatacmi tucun.

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

DEUTERONOMIO 26:16

Mandac Diosca cunan mandashcacunatapish, pactachinacunatapish cazuchunmi mandan. Caicunataca tucui shunguhuan, tucui almahuan yuyarashpa cazunguichic.

DEUTERONOMIO 11:32

Chaipica cunan cancunaman yachachishca mandashcacunatapish, pactachinacunatapish tucuita cazushpa causanguichic.

DEUTERONOMIO 26:19

Cancunataca tucui pai ruhuashca llactacunamanta ashtahuan yalli cachun, tucuipac ricsishca, tucuipac alli nishca llacta cachunmi Mandac Diosca pai munashca shina acllashca ninguichic» nirca.

DEUTERONOMIO 27:2

Mandac Dios cushca llactaman ringapac Jordán yacuta pasashca punzhapica jatun rumicunata shayachishpami calhuan yuracyachina canguichic.

SALMOS 78:7

Chashna yachashpa Diospi shunguta churachun. Dios ruhuashcacunata ama cungarishpa, pai mandashcacunata pactachichunmi mandarca.

DEUTERONOMIO 1:1

Cai quillcashcapica Moisesmi Puca Cucha, Jordán yacu chimba ladopi cac shitashca pamba Arabapi tucui israelcunaman huillarca. Chai pamba muyundipica Parán, Tofel, Labán, Hazerot, Di-zahab llactacunami carca.

DEUTERONOMIO 6:17

Mandac Dios mandashcacunatapish, pactachinacunatapish, yuyarashpa allita cazunguichic.

1 CRÓNICAS 28:8

Cunanca, Mandac Diospaclla tandanacushca tucui israelcunapac ñaupapi, ñucanchic Mandac Diospish uyacucpimi, Mandac Dios imata ruhuachun nishcata pactachinguichic. Chaita ruhuashpami pai cancunaman cushca sumac llactataca japinguichic, shinallatac cancunapac huahuacunamanpish tucui causaipac saquinguichic.