DEUTERONOMIO 23:4 - Dios Rimashcata Quillcashcami

⁴ Paicunaca, cancuna Egipto llactamanta llucshimucpica, micunallahuanpish, yacullahuanpish mana tupangapac llucshircachu. Ashtahuanpish Mesopotamia llactapi tiyac Petormanta Beorpac churi Balaamtami cancunata maldiciachun apamurca.

DEUTERONOMIO 23:4 Referans Kwoze

NEHEMÍAS 13:2

Paicunaca israelcunataca mana tandahuan, yacuhuan tupangapac shamurcacunachu, ashtahuanpish israelcunata maldiciachunmi Balaamman cullquita curcacuna. Shina ruhuacpipish, ñucanchic Diosca chai maldiciashcataca bendiciontami ruhuarca.

2 PEDRO 2:15

Cashcata ruhuashpa causanata saquishpami Bosorpac churi ñaupa huillac Balaam ruhuashcata catishpa pandarishpa purincuna. Balaamca millaita ruhuashpallami, cullquita japinata munac carca.

SAN MATEO 25:40

Shina nicpimi ñucaca: “Cai uchilla ñuca huauquicunaman ruhuashpaca, ñucamanmi ruhuarcanguichic. Chaica chashnatacmi” nishami.

ZACARÍAS 2:8

Maijanpish cancunata llaquichicca ñuca ñahui muruta tucsic shinami llaquichin. Ñucata jatunyachishca quipami cancuna ima charishcata quichuccunapac llactacunaman cachasha. Chaitaca tucuita Mandac Dios ñucami» nini.

1 REYES 18:4

Jezabel Mandac Dios ima nishcata huillaccunata huañuchicucpica, Abdiasmi chai huillaccunamantaca patsac runacunata apashpa pichca chungataca shuc jatun jutcupi, caishuc pichca chungataca shuctac jatun jutcupi pacarca. Shina pacashpaca, tandata, yacutapish cararcami.

1 SAMUEL 25:11

¿Ñucaca tandata, yacuta, ñuca ovejacunata rutuccunaman carana yanushca aichatachu mana ricsishca pi mai runacunaman carasha?— nirca.

NÚMEROS 23:7

Chaipimi Balaamca yuyarina rimaicunahuan huillashpaca: «Inti llucshina ladopi tiyac Aram llactapi causacucpimi, Moab llactata mandac Balacca pushamurca. Jacobopac churi israelcunata maldiciangapac shamui nirca.

NÚMEROS 22:17

Chai shamushca gentecunata ñuca shutipi maldiciashpa cuiyari. Cantaca mai alli nishami, shinallatac can mañashcatami cusha” nicunmi— nirca.

HECHOS 9:4

Chaimanta Saulo pambaman urmashpaca: —Saulo, Saulo, ¿ima nishpatac ñucata llaquichicungui?— nishcatami uyarca.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.

JOSUÉ 24:9

Chai quipaca Ziporpac churi moabitacunata mandac Balacmi cancunata piñashpa jatarirca. Chaimantami Beorpac churi Balaamta cancunata maldiciachun cayachun cacharca.

JEREMÍAS 49:1

Mandac Diosca Amonta llaquichinamanta rimashpaca: «¿Manachu israelcunaca huahuacunata charin? ¿Manachu paicunaca herenciata japiccunata charin? ¿Imamantatac Milcom diosca Gad aillupac llactata quichushca? ¿Imamantatac paipac gentecunarac chai llactacunapi causacun?

ESDRAS 9:1

Tucui chaicuna tucushca quipami israelcunata mandaccuna ñucapacman shamushpaca: «Israelcunapish, curacunapish, levitacunapish cai llactapi causac cananeocunamanta, heteocunamanta, ferezeocunamanta, jebuseocunamanta, amonitacunamanta, moabitacunamanta, Egipto runacunamanta, amorreocunamanta mana chicanyarishpami paicuna shinallatac millanayai juchacunata ruhuashpa causacuncuna.

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.

EZEQUIEL 44:9

Chaimantami Mandac Dios ñucaca: Israelcunapurapi causac shungupipish, aichapipish circuncisionta mana ruhuashca caru llacta gentecunaca manatac ñuca huasimanca yaicungachu nini.